Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> اسرائیل تے سعودی عرب نال نال، الجزیرہ تے پابندیاں۔ایجنڈا ہولے ہولے کھل رہیا جے

اسرائیل تے سعودی عرب نال نال، الجزیرہ تے پابندیاں۔ایجنڈا ہولے ہولے کھل رہیا جے

وچار ڈیسک
August 8th, 2017

کدی اسرائیل دی حرکتاں بارے پاکستان وچ بڑی کھپ پیندی سی پر ایس خبر تے در وٹیا ہویا ہے۔جداں اسرائیل ایجنڈے تے فٹ آئے تے اوس بارے گل نہیں کرنی۔سعودی اتحاد دا ایجنڈا وڈا ہے تے ہولے ہولے ایس دے پنے کھل رہے نیں۔اسرائیل تے سعودی عرب دی ایران مخالفتاں رنگ لیاون گیاں؟یہودیاں دے سنی اتحاد نال پیار دا ایہہ پہلا تحفہ ہے ہلے ہور قسطاں آون گیاں ہولے ہولے۔کیہہ اسرائیل شیعہ سنی مسئلہ نوں ہوا دینا چاہندا ہے؟ سوال تے ایہہ ہے پاکستان وچ انہاں دے کیہڑے سجن نیں۔ تسی ہن خبر آپ پڑھو تے ایس نویں تال میل بارے سوچو۔
 
انفارمیشن دے اسرائیلی وزیرنے الزام لایا کہ الجزیرہ دہشت گردی دی مدد کردا ہے تے آکھیا کہ ایس دے انگریزی تے عربی دوناں چینل بند کردتے جان گے۔اساں ایہہ فیصلہ سعودی اتحاد پاروں کیتا ہے۔ اسرائیلی وزیراعظم نتن یا ہو چینل تے اشتعال انگیزیاں دا الزام لا دتا۔ الجزیرہ نے ایس فیصلے دی مذمت کیتی ہے۔ اسرائیلی حکومت دا کہنا ہے کہ نہاں دے ایس فیصلے دی بنیاد حال ہی وچ کئی عرب سنی اتحاد ولوں الجزیرہ تے لائیاں پابندیاں نیں۔وزیر کارانے آکھیا کہ کیبل والیاں نے نیٹ ورک نوں بند کرن توں اتفاق کرلتا ہے تاہم یروشلیم وچ واقع الجزیرہ دے دفتر نوں بند کرن لئی مزید قنون سازی دی لوڑ ہوئے گی۔ انہاں نے اک اخباری کانفرنس توں خطاب کردے ہوئے آکھیا: ’الجزیرہ داعش، حماس، حزب اللہ تے ایران دا بنیادی آلہ کاربن گیا ہے۔ نتن یا نے ٹوئٹر دے ذریعے کارا نوں مبارک باد دیندے ہوئے آکھیا کہ انہاں نے میری ہدایات تے الجزیرہ دی اشتعال انگیزی روکن لئی ٹھوس اقدامات قدامات کیتے۔ قطر دے دارالحکومت دوحہ وچ الجزیرہ دے اک عہدے دار نے خبر رساں ادارے اے ایف پی نوں دسیا کہ چینل ایس نوں آزادیاں خلاف سمجھدا ہے اتے ایہہ کم اوہ ریاست کر رہی ہے جو اپنے آپ نوں مشرقِ وسطی دی واحد جمہوری ریاست اکھواندی ہے۔ انہاں نے آکھیا ہے کہ جو اسرائیل نے آکھیا اوہ خطرناک ہے۔ نتن یا ہو الجزیرہ تے الزام لایا گیا ہے کہ ایس نے حال ہی وچ یروشلم وچ حرم الشریف وچ سکیورٹی گیٹ لان دے معاملے تے اُٹھ کھڑے ہون والے تنازعے نوں ہوا دتی سی۔ اسرائیلی حکومت نے فلسطینیاں دے احتجاج دے پیش نظر بالآخر ایہہ گیٹ ہٹا دتے سن ۔ اسرائیلی وزیراعظم نے جولائی وچ عہد کیتا سی کہ الجزیرہ نوں ملک بدر کرکے رہن گے کیوں کہ انہاں دے بقول ایس دی رپورٹنگ توں تشدد نوں شہ ملی۔ الجزیرہ دے عہدے دار نے اپنی کوریج دا دفاع کردے ہوئے اس نوں پیشہ ورانہ تے معروضی قرار دتا۔ یروشلم وچ لجزیرہ دے ایڈیٹر نے نتن یاہو تے الزام لایا ہے کہ اوہ آزاد تے خود مختار میڈیا تے حملے دے معاملے وچ اپنے ہمسایہ ملکاں نال مل گئے نیں۔ سعودی عرب تے اردن نے وی الجزیرہ دے دفتر بند کردتے نیں جداں کہ عرب امارات تے بحرین نے ایس دی نشریات تے ویب سائٹ بند کردتی نیں۔ اسرائیل وزارت اطلاعاواں نے آکھیا کہ خطے دے تقریباً سارے ملک ایس نتیجے تے پہنچے نیں کہ الجزیرہ دہشت گردی تے مذہبی انتہا پسندی نوں ہوا دیندا ہے۔ الجزیرہ دا آغاز 1996 وچ ہویا سی تے ایس خطے دے حکمراناں تے تنقید کرکے مشرق وسطیٰ دے میڈیا وچ انقلاب برپا کردتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels