Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> وسائل وچ اضافے دے باوجود تعلیمی معیارِ چنگا نہیں ہویا: رپورٹ

وسائل وچ اضافے دے باوجود تعلیمی معیارِ چنگا نہیں ہویا: رپورٹ

وچار ڈیسک
August 5th, 2017

ڈیٹا دسدا ہے پئی شرفو دور وچ تعلیم وچ بہوں رقماں روڑیاں گیاں، وڈے وڈے فنڈ آئے اتے مسنگfacilitiesدے ناں تے لمیریاں رقماں ادھر ادھر ہوئیاں۔بڑے بڑے تر گئے پر اخیری رزلٹ ایہہ ہے کہ تعلیمی معیار اگے توں وی تھلے ہے۔اج استاداں دی تنخواہواں وادھو نیں پر کھوتا بوہڑ ہیٹھ ہی ہے۔چار کڑوڑ توں وادھو بچے ایس تعلیمہ بندوبست نال جڑے نیں تے مارکیٹ لئی انہاں وچوں کڈہے فیدہ مند نیں ایہہ تے نہ ہی پچھو۔انگریز دور توں اساریا گیا ایہہ تعلیمی بندوبست کلرک پیدا کردا ہے، ڈگریاں دا بھنڈار، پر کون کیوں پڑھ رہیا ہے اس دا کسے نوں سنے طالبعلم دے نہیں پتہ۔مسلہ نرا پیسے دا نہیں، نہ ہی آوٹ آف سکول بچیاں دا سگوں وڈا سوال ایہہ ہے کہ ایہہ بچے کیوں پڑھ رہے نیں؟ جداں تعلیم دا ٹیچا ہی گواچیا ہوئے تے ’’تعلیم سب لئی‘‘ اک گمراہیاں والا نعرہ بن کے رہ جاندا ہے۔ ہن تساں خبر پڑھو
اسلام آباد: پاکستان وچ تعلیم دی صورت حال توں متعلق سامنے آن والی اک نویں رپورٹ دے مطابق حکومت ولوں پچھلے کجھ سالاں وچ تعلیمی بجٹ وچ اضافے تے سکولاں توں وانجھے بچیاں نوں تعلیمی اداریاں وچ داخل کروان لئی کیتے گئے اقداماں دے باوجود ہن سکولاں توں باہر بچیاں دا تناسب اوہی ہے جیہڑا 2015 وچ سی۔ تعلیم دے فروغ لئی کم کرن والی اک غیر سرکاری تنظیم ادارہ تعلیم تے آگاہی نے پاکستان وچ معیار تعلیم دے بارے وچ 2016 توں متعلق اپنی رپورٹ وچ آکھیا ہے کہ ملک دے بعض علاقیاں وچ واقع سرکاری تے نجی تعلیمی اداریاں وچ پنجویں جماعت وچ پڑھن والے 48 فیصد بچے ایسے نیں جو اردو وچ لکھی ہوئی کہانی نہیں پڑھ سکدے ۔ وفاقی دارالحکومت دے دیہی علاقے وچ واقع 13 نجی تے ست سرکاری سکولاں وچ کیتے گئے اک سروے دے بعد ایہہ گل سامنے آئی کہ انہاں وچ نصف تعدادوچ اسکول ایسے نیں جتھے چار دیواری موجود نہیں تے نہ ہی پانی تے ٹوائلٹ دی بنیادی سہولت میسر ہے۔ رپورٹ وچ ایہہ وی دسیا گیا کہ پاکستان وچ چھ توں 16 سال دی عمر دے 19 فیصد بچے ایسے نیں جو سکولاں توں باہر نیں۔ موجود حکومت نے تعلیم دے شعبے لئی مختص رقم وچ اضافہ کیتا ہے۔ دو کڑوڑ 20 لکھ بچے سکولاں توں باہر نیں۔ تعلیم دے ماہرین دا کہنا ہے کہ سکول جان دی عمر دے بچیاں نوں سکول لیاون لئی ہنگامی اقدامات کرنے ہون گے۔ تعلیم لئی کم کرن والی اک غیر سرکاری تنظیم ’الف اعلان‘ دے اک عہدیدار ڈاکٹر شہباب صدیقی نے وائس آف امریکہ نال گل بات وچ آکھیا ہے کہ اسی جس طرں ا دنیا نوں بدلدا ہویا ویکھ رہے ہاں اوس پاروں اکیسویں صدی دے چیلنجاں نال نبڑن تے مواقع توں فیدہ چکن لئی سانوں اک تعلیم یافتہ تے ہنر مند افرادی قوت دی لوڑ ہے۔ شہباب صدیقی نے آکھیا سی وقت ملک وچ 80 فیصد پرائمری سکول نیں۔ انہاں نے آکھیا کہ (ہائی سکولاں دی تعداد وچ) اضافہ کرن لئی مزید پیساں دی لوڑ ہے تاکہ مزید سکول بنن تاکہ اوہ بچے جو سکولاں توں باہر نیں اوہ سکولاں وچ واپس آسکن۔ حکومت وچ شامل عہدیداراں دا کہنا ہے کہ ملک وچ تعلیم دے شعبے لئی ہر سال مختص بجٹ وچ اضافہ ہو رہیا ہے جس دی وجہ توں سکول توں باہر بچیاں دی تعداد وچ وی رمکے رمکے گھاٹا ہو رہیا ہے۔ پنج سال پہلے سکولاں توں باہر بچیاں دی تعداد تقریباً دو کڑوڑ ساٹھ لکھ سی تے 2016 وچ ایہہ تعداد گھٹ ہو کے دو کڑوڑ 20 لکھ ہوگئی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels