Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> شرفو دی بونگیاں:آمریتاں دی حمائیتاں دا کوڑ بیانیہ

شرفو دی بونگیاں:آمریتاں دی حمائیتاں دا کوڑ بیانیہ

وچار ڈیسک
August 4th, 2017

فوجی حکمران ملک نوں پٹری تے چڑھاندے نیں تے سولین آکے اوس دا بیڑا غرق کر دیندے نیں۔اساں تے مجبور ہو کے مارشلاء لاندے ساں ایشیا وچ جس وی ترقی کیتی ڈکٹیٹرشپ پاروں کیتی۔پاکستان فوج نے نہیں سگوں بھٹو نے توڑیا سی۔شرفو میاں ایتھے رکے نہیں سگوں آکھدے نیں آئین مقدس ہے پر آئین توں زیادہ عوام مقدس نیں۔عوام دی راکھی لئی آئین نوں تھوڑا بہت اگے پچھے کیتا جا سکدا ہے۔انہاں ایہہ تاثر دین دی پوری کوشش کیتی پئی انہاں نوں اج وی فوج دی مدد حاصل ہے۔
ہن اجہی بونگیاں تے کیہہ آکھیا جاسکدا ہے بھلا۔حقیقت تے ایہہ ہے پئی مارشلاواں پاروں پاکستان اندرفوج متنازعہ ہوئی۔مارشلاواں نے عدالتاں نوں کمزور کیتا، میڈیا تے حملے کیتے۔شرفو تے ایوب تے یحی توں وی سبق نہ لتا جیہڑے اقتدار توں نکلن بعد چپ رہے سن۔
جو کجھ پرویز مشرف آکھیا ہے اوہ اک کوڑبیانیہ ہے اتے ایہہ بیانیہ ہی بماری دی جڑ ہے۔ایہہ بیانیہ لمیرے چر تیک ساڈی نصابی کتاباں وچ وی چلدا رہیا ہے اتے کسی حد تیک اج وی چل رہیا ہے۔ایس نوں پڑھ کے جوان ہون والی نسل اج میڈیا توں سرکاری ملازمتاں تے کاروباری لوکاں تیک موجود ہے۔ایس ماملے وچ پینڈو تے شہری وچ کوئی فرق نہیں کہ اربن جرنیل دی گلاں تساں آپ پڑھ لتیاں۔ ایہہ تازہ انٹرویو بی بی سی والیاں لتا ہے کہ باہرلے وی پاکستان اندر ماشلاء ہی چاہندے نیں تانجے انہاں دے ایجنڈے چلدے رہن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels