Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> آؤ رل مل ملک دی راکھی کرئیے۔سکول سیفٹی مہماں(پہلی لڑی) ہرکوئی پڑھے

آؤ رل مل ملک دی راکھی کرئیے۔سکول سیفٹی مہماں(پہلی لڑی) ہرکوئی پڑھے

ریسکیو1122دا ہینڈ آوٹ
August 2nd, 2017

حادثہ، ایمرجنسی یا اگ لگن تے 1122 تے کال دی کیہ اہمیتاں نیں؟
ویلے سر کال کرناہی اصل مددہے۔ خصوصاً اگ لگن تے فوار توں پہلاں کال کرو تے فیر حفاظتی اقدامات لین دے بعد اگ بجھان دی کوشش کردے رہو۔ اگ اک وار پھیل جائے تے قابو پانا مشکل ہوندا ہے۔
نوٹ:1122تے کدی غلط کال نہ کرو اتے جے کوئی کرے تے اوس نوں ڈکو۔جداں تسی ایس نمبر تے غلط یا مذاق وچ فون کر رہے ہو گے تاں اوس ویلے ہو سکدا ہے کوئی مصیبتاں دا مارا فون کرنا چاہ رہیا ہوئے۔ایس حوالے نال محکمہ دے افسر اکثر شکائیتاں کردے نیں۔میڈیا اتے نصابی کتاباں نال ایس والے نال احساس ودھان دی لوڑ ہے تانجے سب لوک ایس بارے جان سکن۔
ریسکیو 1122 کیہڑیاں ایمرجنسیاں وچ تہاڈی مدد کرسکدا ہے؟
عوام دی سہولتاں لئی ریسکیو 1122 دا وکھرا تے بھرنواں ایمر جنسی مینجمنٹ دا بندوبست بنایا گیا ہے جس وچ ساری قسماں دی ایمرجنسیاں مثلاً ٹریفک حادثیاں، اگ لگنا، عمارتاں دا ڈھیہہ جانا، سیلاب تے دوجیاں ناگہانی آفاتاں توں نبڑن لئی ایمرجنسی ایمبولینس، فائر فائٹینگ، ریسکیو تے کمیونٹی ایمرجنسی ریسپانس ٹیماں بنائیاں گیاں نیں۔
عام ایمبولینس تے ریسکیو ایمبولینس وچ فرق؟
ایمرجنسی توں بغیرمریضاں نوں لیاون تے لیجاون اتے میت لئی ریسکیو دے تربیت یافتہ عملے تے آلات دی لوڑ نہیں۔ ایس مقصد لئی سرکاری ہسپتالاں تے نجی اداریاں دی عام ایمبولینساں ورتیاں جاسکدیاں نیں۔
ایمرجنسی 1122 دے بے جا تے غلط استعمال دا کیہ نقصان ہے؟
1122 تے کال ہی مدد دی ضامن بن سکدی ہے۔ پر جے تسی ایس نمبر نوں غیر ضروری کالاں کرکے مصروف رکھو گے تے ایمرجنسی دے شکار متاثرہ لوکاں نوں ایہہ نمبر مصروف ملے گا جس دی وجہ توں کسے دا وی نقصان ہوسکدا ہے۔ کیہ تسی چاہو گے کہ اوہناں دا خون تہاڈے سر ہوئے؟
وچار لوک سیوا۔۔ہر کوئی پڑھے تے شئیر کرے
Website of 1122
http://www.rescue.gov.pk/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels