Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سیاسی جماعتاں نوں بینک کھاتیاں دی تفصیلاں جمع کران دا حکم

سیاسی جماعتاں نوں بینک کھاتیاں دی تفصیلاں جمع کران دا حکم

وچار ڈیسک
August 1st, 2017

اسلام آباد: الیکشن کمیشن آف پاکستان نے ساریاں سیاسی جماعتاں نوں آکھیا ہے کہ اوہ اپنے بینک کھاتیاں دی تفصیلاں جمع کران ورنہ اوہ قومی تے صوبائی اسمبلی دی چوناں لئی انتخابی نشان حاصل کرن دی اہل نہیں رہن گئیاں۔ پیر نوں کمیشن ولوں جاری کردہ بیان دے مطابق سیاسی جماعتاں دے حکم نامہ مجریہ 2002 دی شق 13 دے تحت ہر مالی سال دے اختتام دے 60 دن دے اندر ایہہ تفصیلاں جمع کرانیاں ضروری نیں۔ بیان وچ ساریاں سیاسی جماعتاں نوں آکھیا گیا ہے کہ اوہ 29 اگست تک بینک کھاتیاں دی مصدقہ تفصیلاں الیکشن کمیشن آف پاکستان اسلام آباد جمع کران۔ بیان دے مطابق سیاسی جماعت دے سربراہ ولوں ایس بارے وچ سرٹیفیکٹ دا وی انہاں تفصیلاں دے نال جمع کرایا جانا ضروری ہے کہ پارٹی نے کسی وی ایسے ذرائع توں فنڈز حاصل نہیں کیتے جو سیاسی جماعتاں دے حکم نامے دے منافی ہون تے بینک تفصیلاں مکمل طور تے درست نیں۔ الیکشن کمیشن دی ویب سائٹ دے مطابق ایس وقت ملک وچ 340 توں زائد نِکی وڈی سیاسی جماعتاں رجسٹرڈ نیں۔ سیاسی جماعتاں ولوں اک دوجے تے غیر قنونی طریقے نال مالی وسائل جمع کرن دے الزام وی لگدے رہندے رہے نیں۔ الیکشن کمیشن نے اپنے بیان وچ ایہہ وی آکھیا ہے کہ کھاتیاں دی تفصیلاں دی چارٹرڈ اکاونٹنٹ ولوں جانچ پڑتال وی لوڑی دی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels