Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نواں وزیراعظم تے اوجڑی کیمپ رپورٹ

نواں وزیراعظم تے اوجڑی کیمپ رپورٹ

وچار ڈیسک
August 1st, 2017

اج مسلم لیگ(ن) دے شاہد خاقان عباسی نویں وزیراعظم بنن جارہے نیں کہ اوہ1988توں اج تیک پورے چھ وار ضلع پنڈی دی تحصیل مری توں قومی اسمبلی دے ممبر چنے گئے اتے میاں نواز شریف دی کابینہ دے وزیر وی سن۔27دسمبر1958وچ جمے عباسی ہوراں جمدے نال ہی مارشلاء ویکھیا۔پیشے دے حوالے نال الیکڑیکل انجینئیر عباسی ہوری امریکہ پڑھے تے سعودی عرب وچ تیل تے گیس دے منصوبیاں وچ کم کردے رہے۔پاکستانی سیاست نوں سمجھن لئی انہاں دوناں ملکاں بارے جاننا لوڑی دا ہے۔اج کل ایہہ دونوں ملک پاکستان توں ناراض نیں ۔قطر نال گیس معاہدے اتے قطری سعودی جھیڑے وچ نیوٹرل رہن پاروں پاکستان تے مسلسل دبا ہے۔پر عباسی ہوراں پرانی پالیسیاں نوں جاری رکھن دا آکھ دتا ہے۔کراچی جمے عباسی ہوراں سیاست وچ اودھوں قدم رکھیا سی جداں انہاں دے والد خاقان عباسی خوفناک اوجڑی کیمپ سانحے وچ مارے گئے سن۔عباسی ہوراں دا اک بھرا وی ایس وچ سخت زخمی ہویا سی اتے20 سال توں ودھ بے ہوش رہن بعدوں اوس دا وی انتقال ہو چکیا ہے۔جنیوا معاہدے توں چار دن پہلاں اپریل دس،1988نوں ہون والے ایس دھماکے دی انکوائری لئی وزیراعظم محمد خان جونیجو دو کمیٹیاں بنا دتیاں سن۔اک کمیٹی پنڈی دے کور کمانڈر جنرل عمران اللہ دی آگوائی وچ تے دوجی پارلیمانی کمیٹی۔پارلیمانی کمیٹی وچ وزیر رلتی سن جنہاں وچ وزیر دفاع ملک(رانا) نعیم،قاضی عبدالمجید عابد،میر ابراہیم بلوچ رلتی سن اتے ایس کمٹی داآگوائی اسلم خٹک کر رہے سن۔دوناں رپورٹاں جنرل ضیا نوں گھل دتیاں گیاں سن پر ضیا نے جونیجو ہی دی سرکار توڑ دتی۔اج تیک ایہہ رپورٹاں پبلک نہیں کیتیاں گیاں ۔کیونجے نویں وزیراعظم ایس حادثہ دا شکار ہوئے تاں مارے امید ہے اوہ ایس رپور ٹ نوں29سالاں بعد سامنے لیان گے۔ہورے ایس ڈر توں ہی انہاں خلاف محاذ پہلے توں گرم کر دتا گیا ہے۔عباسی ہوری انہاں لیگی لیڈراں وچ رلتی نیں جنہاں ق لیگ جوائن نہیں کیتی۔اوہپی آئی دے چیئرمین وی رہے تے انہاں اک نجی ائیر لائن وی کھڑی کیتی تے جے اوہ سعد رفیق وانگ اک ہور پبلک ادارے نوں تگڑا کر دین تے انہاں نوں بہوں عزتاں لبھن گیاں۔پر ایہہ سب اوس ویلے ہوئے گا جداں انہاں نوں اداریاں ولواں تنگ نہیں کیتا جائے گا۔

Ojhri Camp incident
https://www.dawn.com/news/1237794


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels