Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پھوکی اخلاقیات، تاجا حوالدار اتے کوڑ بیانیہ

پھوکی اخلاقیات، تاجا حوالدار اتے کوڑ بیانیہ

July 28th, 2017

اک نویں اخلاقیات پاکستان وچ اْساری جارہی ہے اتے وڈے وڈے دانشور،مہان اینکر اتے تاجے حوالدار انہاں نویں اخلاقی اصولاں دے راکھے بن رہے نیں۔ویسے ایہہ پہلی وار نہیں ہو رہیا کہ اجہی پھوکی اخلاقیات پاکستان وچ کئی وار اسارن دی کوششاں ہوئیاں نیں۔کھیڈ سیاست، اقتدار تے طاقت دا ہوندا ہے پر متھے تے کدی کرپشن، کدی اسلامی نظام وغیرہ دا بینر سجایا جاندا ہے۔بڑی محنتاں نال بیانیہ بنایا جاندا ہے جیڑا کسے نوں اقتدار توں لاون تے کسے نوں اقتدار تے بٹھان تیک ہی چلایا جاندا ہے۔ اوس توں بعدوں راوی چین لکھن لگدا ہے کسی نویں ایجنڈے تیک۔شہید گنج مسیت تے گردوارے والے وقوعے توں پانامہ تیک تاجے حوالدار ایہو کجھ کر رہے نیں۔ایہہ دو دہاری تلوار بناون وچ مہارتاں نو آبادیاتی دور توں سکھیاں سن۔سوال ایہہ نہیں کہ کل فیصلہ کیہہ آئے گا سگوں گل اوس انتشاری ماحول دی ہے جس نوں ہمشہ پاکستان دے طاقتور اداریاں بڑی محنتاں نال بنایا ہے۔اپنا مذاق آپ اڈانا کوئی ساڈے کولوں سکھے کہ بھٹو کیس بعدوں کل پتہ چلے گا کہ 40سال بعدوں کجھ بدلیا ہے یا نہیں۔پاکستان وچ اج تیک کوئی وزیراعظم پوری مدت لنگھا نہیں سکیا کہ بھٹو دے بعد ہر وزیراعظم نوں کڈہنا ہی پیا۔پر ایہہ تے ہمش توں پاکستان وچ ہوندا ہی رہیا ہے۔جے عدالت62تے63 پاروں فیصلہ کیتا تے ایہہ اجہیا فیصلہ ہوسی جیہڑا اپنے جمن توں پہلاں توں متنازعہ سی۔جج تے جرنیل تے آندے جاندے رہندے نیں پر سیاستداناں نوں کڈہن دی جڈیاں وی کوششاں ہوئیاں نیں اوہ ہمش پٹھیاں پیاں نیں۔اخیر کدوں تیک ایہہ کھیڈ جاری رہے گا، ایہہ وڈا سوال۔پر تاجے حوالدا نوں کون سمجھائے کہ اوس نوں جمہوری بندوبست متھے توں دکھدا ہے۔تاجا ایس لئی کوڑ بیانیے بناندا رہندا ہے پر پاکستانی انہاں بیانیاں نوں نہیں منیندے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels