Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سارک سربراہ کانفرنس پاکستان وچ ہوئے۔مالدیپ:بھارت سارک نوں چلن نہیں دتا۔نواز شریف

سارک سربراہ کانفرنس پاکستان وچ ہوئے۔مالدیپ:بھارت سارک نوں چلن نہیں دتا۔نواز شریف

وچار ڈیسک
July 26th, 2017

سمندری سیاستاں پاروں سری لنکا تے مالدیپ بھارت دا بوہا نیں اتے چین بھارت جھیڑیاں وچ انہاں دی سٹریٹیجک اہمیتاں وادھو۔سارک دے چلن وچ جے پاکستان باقی ملکاں نال مل کے سانجھی پالیسی بنائے تاں سارک دے چلن وچ اوکڑاں دور ہو سکدیاں نیں۔
مالدیپ دے دورے وچ وزیراعظم نواز شریف نے آکھیا ہے کہ خطے دی ترقی تے خشحالی لئی سارک نوں تگڑا کرنا لوڑی دا ہے۔ بھارت نے سارک منشور دے خلاف کم کیتا۔ پاکستان دے عوام مالدیپ دے عوام لئی نیک تمنارکھدے نیں۔ صدر مالدیپ اسلام آباد وچ سارک اجلاس دے انعقاد دے حامی نیں اتے سانجھے چیلینجز نال نبڑن لئی رل کم کرن تے اتفاق ہویا ہے۔ وزیراعظم نواز شریف 3 دن دے دورے تے مالدیپ پہنچے سن جتھے صدارتی دفتر وچ وزیراعظم دا استقبال کیتا گیا ۔ دوناں ملکاں دے درمیان دفتر خارجہ تے سول سروسز دے شعبیاں وچ تربیتی تعاون ودھان دی یاداشت تے دستخط کیتے گئے جداں کہ دوناں ملکاں وچ تجارت تعلیم تے سیاحت وچ وی تعاون ودھان تے وی اتفاق کیتا گیا۔ سیاحت ،موسمی وٹاندرے دے شعبیاں، تجارت تے انسانی وسائل دی ترقی دے شعبیاں وچ وی دو طرفہ تعاون ودھان دی یاداشتاں تے دستخط کیتے گئے نیں۔ ایس دے بعد وزیراعظم نواز شریف تے مالدیپ دے صدر نے مشترکہ پریس کانفرنس کیتی۔ وزیراعظم نے آکھیا دوناں ملکاں دے مشترکہ بزنس گروپ تشکیل دتے گئے نیں ۔دوناں ملکاں دے ورکنگ گروپس دی چار ذیلی کمیٹیاں وی کم کررہیاں نیں۔ پاکستان مالدیپ وچ میڈیکل کالج دے قیام لئی وی تعاون کرے گا۔ ایس موقع تے مالدیپ دے صدر نے آکھیا کہ ماحولیاتی تبدیلیاں نال نبڑن لئی تعاون تے مشکور ہاں۔ مالدیپ دے صدر توں تجارت تعلیم سیاحت وفاع تے عوام دے عوام نال رابطیاں سمیت باہمی مفاد دے سارے شعبیاں وچ دو طرفہ تعلقات وچ مزید اضافے دے حوالے نال تبادلہ خیال کیتا ہے۔ وزیراعظم محمد نواز شریف مالدیپ دے 52 ویں یوم آزادی دی تقریبات وچ بطور مہمان خصوصی شرکت کرن گے۔ وزیراعظم محمد نواز شریف نے آکھیا کہ ماحولیاتی تبدیلیاں تے دہشت گردی ورگے مسائل تے قابو پان دے حوالے توں دونوں ملک یکساں موقف رکھدے نیں۔ انہاں نے آکھیا کہ دوناں ملکاں نے ایس گل تے وی اتفاق کیتا کہ جنوبی ایشیا دی تنظیم برائے علاقائی تعاون (سارک) نوں مزید تگڑا بنان دے حوالے نال رل کے کم کیتا جائے گا۔ وزیراعظم نے آکھیا کہ اسلام آباد وچ منعقد ہون والی پچھلی سارک کانفرنس دے التوا دے پاروں سارک نوں نقصان پہنچیا ہے۔ انہاں نے آکھیا کہ اسی اسلام ااباد وچ سارک کانفرنس دے انعقاد تے صدر عبداللہ یا مین دے تعاون دے مشکور نیں۔ وزیراعظم نے آکھیا کہ مالدیپ دے صدر دے نال ملاقات دے دوران مقبوضہ کشمیر وچ بھارت دے جاری مظالم تے انسانی حقوق دی سنگین خلاف ورزیاں تے روشنی پائی گئی ہے۔ وزیراعظم محمد نواز شریف نے دہشت گردی دے خاتمے لئی پاکستان دی کوشش دے حوالے توں صدر عبداللہ یامین نوں تفصیلاں توں وی آگاہ کیتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels