Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نویں انتخابی قنون:زنانیاں نوں 5 فیصد ٹکٹ دینا لازم۔کساناں، مزدوراں تے نوجواناں بارے کون سوچے گا؟

نویں انتخابی قنون:زنانیاں نوں 5 فیصد ٹکٹ دینا لازم۔کساناں، مزدوراں تے نوجواناں بارے کون سوچے گا؟

وچار ڈیسک
July 26th, 2017

نویں قنون بارے گل کرن دا میڈیا کول ویلہ نہیں پر کل نوں جداں قنون بن گیا تے میڈیا کیڑے کڈے گا۔زنانیاں نوں عام چوناں وچ ٹکٹاں دینا اک وڈا تے چنگا قدم جے پر میڈیا کول ایس نوں سراہن دا ٹائم نہیں۔پر تناں وڈیاں پارٹیاں ولوں مزدوراں، کساناں تے نوجواناں لئی ٹکٹاں پکیاں کروان دی گل وی کرنی چاہیدی ہے اتے میڈیا نوں وی ایس بارے گل چکنی لوڑی دی ہے۔
نویں انتخابی قنون وچ زنانیاںں نوں قومی تے صوبائی اسمبلیاں دی جنرل نشستاں تے 5 فیصد ٹکٹ عورتاں نوں دین دی پابندی عائد کردتی گئی ہے۔ ایس اقدام دا مقصد ملک دی ادھی آبادی دی انتخابی عمل وچ چوکھی رلت نوں یقینی بنانا ہے۔ ایہہ نواں قنون قومی اسمبلی دے اگلے اجلاس وچ پیش کیتا جائے گا۔نویں انتخابی قنون 2017 وچ عورتاں دے حوالے توں پورا اک باب شامل ہے جس وچ انتخابی عمل وچ عورتاں دی بھر پوررلت دے حوالے نال بہوں گلاں شامل نیں۔ایس وچ ووٹاں دی رجسٹریشن تے انتخابات وچ انہاں دی شرکت دے حوالے توں میڈیا مہم، اک حلقہ وچ عورتاں تے مرد ووٹراں دے درمیان فرق 10 فیصد توں گھٹانا تے پریذائنڈنگ آفیسر داہر پولنگ ٹیشن تے عورتاں تے مرد ووٹاں دا تناسب پیش کرنا رلتی ہے۔ کسی حلقہ وچ عورتاں دے ووٹ کل پائے گئے ووٹاں دے 10 فیصد توں گھٹ نکلے تے الیکشن کمیشن ایس دا جائزہ لے گا کہ ایہہ کسی معاہدہ دی وجہ توں نہیں، جے اینج ثابت ہویا تے ایس پولنگ ٹیشن یا حلقہ دانتیجہ ڈک دتا جائے گا۔ سیاسی جماعت عام انتخاباں وچ 5 فیصد ٹکٹ عورتان نوں دین دی پابند ہوئے گی۔ دوجے ول الیکشن کمیشن نے اگلی چوناں وچ 10 فیصد ووٹ نہ حاصل کرن والی سیاسی جماعتاں دی رجسٹریشن کینسل کرن دا فیصلہ کیتا ہے۔ ایس وقت الیکشن کمیشن دے کول 344 سیاسی جماعتاں رجسٹرڈ نیں جیہناں چوں پچھلے الیکشن وچ 183 سیاسی پارٹیاں نے حصہ لتا تے سی تے انہاں نوں انتخابی نشان وی ملے سن۔الیکشن کمیشن انتخابی گوشوارے جمع نہ کران تے بعض دوجے اعتراضاں دی بنی بنیاد تے137 سیاسی پارٹیاں نوں غیر فعال قرار دتا ہے تے آکھیا ہے کہ آئندہ 10 فیصد ووٹ نہ حاصل کرن والے سیاسی جماعتاں دی رجسٹریشن مکادتی جائیگی۔ ذرائع دے مطابق ایس فیصلے دا مقصد لیکشن کمیشن تے کم دا بوجھ گھٹ کرنا ہے۔ ایس وقت ملک بھر وچ تقریبا 46 سیاسی پارٹیاں الیکشن کمیشن دے رولز دے مطابق کم کر رہی نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels