Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> میڈیا تے ذمہ واریاں:ریلوے ہڑتال تے بی بی سی دی ہشیار خبر۔

میڈیا تے ذمہ واریاں:ریلوے ہڑتال تے بی بی سی دی ہشیار خبر۔

وچار ڈیسک
July 25th, 2017
5 / 5 (1 Votes)

چارسال پہلاں پاکستان ریلوئے نوں ویچن دی گلاں ہون لگیاں سن کہ جے کوئی پبلک محکمہ نج کاری توں بچا لیا گیا ہے تاں اوس نوں سیاستاں نال وگاڑو۔ایس کم وچ باہرلے تے اندر والے رلتی۔ہڑتالی ڈرائیوراں وچ اک نیں تے ٹرین اک ویرانے وچ کھڑی کیتی تے ڈیوٹی توں دوڑ گیا پر ہشیار میڈیا ایس خبر نوں معمولی سمجھ کے چکیا نہیں۔نج کاری دے ہڑھ وچ جے کوئی پبلک محکمہ تگڑا ہوئے تاں ایس نوں بہوں سارے ہرکارے چنگی گل نہیں سمجھدے۔ریلوے ناڑیاں تے مڈل کلاسیاں دی سواری کہ جہازاں تے سفر کرن والے اینکر ایس بارے گھٹ جاندے نیں۔ٹرین حادثیاں پاروں انکوائریاں بعدوں کڈ دتے ڈرائیوراں نال جے کوئی زیادتیاں ہوئیاں نیں تے اوہ عدالتاں وچ جان۔ پر ہڑتالی آکھدے نیں کہ انہاں نوں بحال کردیو۔ہڑتال بارے رپورٹنگ اینج ہوئی جس نال ہشیار ایجنڈا اگے ودھے۔ہڑتال پاروں مسافراں نوں پریشانیاں وادھو پر ایس وچ وڈا قصور تے ہڑتالیاں دا ہے کہ انہاں دا طریقہ غلط۔اپوزیشن لیڈر وی نکھیڑا نہ کر سکے کہ ہشیار ایجنڈے دا شکار نظر آئے۔ہن تساں خبر آپ پڑھو۔

سنیچر دی رات پاکستان وچ ریل گڈیاں تے سفر کرن والے افراد لئی کسی آزمائش توں گھٹ نہ سی۔ پاکستان ریلوے دے ملازمین نے اپنے مطالبیاں نوں منوان لئی ملک بھر وچ پہیہ جام ہڑتال کردتی جس دے باعث اک ٹرین منسوخ جداں کہ متعد ٹریناں تاخیر دا شکار رہیاں۔ ملک بھر وچ ٹریناں دی تاخیر داسلسلہ تے ہلے وی جاری ہے پر محکمہ ریلوے دے مطابق اک بہت وڈے قومی بحران نوں بروقت سنبھال لتا گیا تے مسافراں نوں تسلی دتی جارہی ہے کہ آل از ویل۔بی بی سی نال گل کردے ہوئے ملتان دے رہائشی عامر رسول نے دسیا کہ صبح توں ٹرین دے انتظار وچ بیوی تے چار بچیاں دے نال لہور ریلوے ٹیشن تے بیٹھے نیں پر ٹرین دی کوئی خبر نہیں۔ ایتھے کسی نوں نہیں پتہ ٹرین کدوں آئے گی اسی تے خوار ہوگئے ہاں۔ ریلوے والیاں نوں اپنی فکر ہے کوئی ساڈی مشکل وی تے حل کرے۔ ٹیشن تے ہر پاسے لوک ہی لوک نیں تے سب اسی اڈیک وچ نیں کہ انتظامیہ دا کوئی بندہ آکے پکی گل کرے۔ دوجے پاسے لاہور توں کراچی بارہ گھنٹے دی تاخیر نال پہنچن والے شیراز ہاشمی نے دسیا کہ اوہ بیگم بچیاں تے ماسی نال فیملی ٹرپ تے نکلے سن جو اک برا خواب بن گیا۔ حیدر آباد دے نیڑے اک تھاں اندھیرے وچ ڈرائیور ٹرین چھڈ کے دوڑ گیا تے انتظامیہ مال گڈی دے ڈرائیور نوں لے کے آئی۔ فیر سانوں اک گندی جیہی بوگی وچ پادتا گیا جس وچ بے حد بدبو تے چوہے سن۔ اسی آئندہ کدی پاکستان وچ ٹرین توں سفر نہیں کراں گے۔ پاکستان ریلوے دے ڈائریکٹر جنرل پبلک ریلیشنز نجم ولی خان بی بی سی نوں دسیا کہ ساری رات ریلوے ہیڈ کواٹر جاگدا رہیا تے جداں گرفتاریاں شروع ہوئیاں تے ہڑتال کرن والیاں دا اک وڈا گروپ ٹُٹ کے واپس آگیا۔ بارہ وجے ہڑتال شروع ہوئی تے چھ وجے تک اسی معاملہ حل کرلتا ۔ جو ٹرین چلن والی سی تے ایس دے مسافر پریشانی داشکار سن انہاں لئی ریفنڈ یعنی پیسے واپس کرن دے احکامات جاری کردتے گئے تے جیہڑی ٹرین منسوخ ہوئی انہاں لئی وی ریفنڈ دتا جارہیا ہے۔ جو ٹریناں اک توں پنج گھنٹے تاخیر دا شکار ہوئیاں انہاں دے مسافراں نال اسی معذرتاں کیتیاں نیں۔پاکستان ریلوے دے بلارے دسیا کہ ہڑتال کرن والے 13 ڈرئیوراں نوں پلس نے حراست وچ لے لتا ہے۔ انہاں افراد دے خلاف دہشتگردی ایکٹ دے تحت مقدمات درج کیتے نیں کیونکہ انہاں نے اپنے مفاد لئی ویرانے وچ ٹرین روک کے ہزاراں مسافراں دی زندگیاں خطرے وچ پادتیاں سن۔ ہڑتال کرن والے ریلوے ملازمین دے چھ مطالبے سن جیہناں چوں سر فہرست سی کہ انہاں دے بجلی دے بل زیادہ آنا اتے ہر سو میل سفر کرن تے انہاں نوں روز اک چھٹی شامل سن۔ نال و نال ایہہ مطالبہ وی پئی ٹرین حادثیاں پاروں کڈے گئیملازماں نوں بحال کیتا جائے۔ ریلوے دے بلارے دا کہنا ہے کہ مطالبات منوان لئی اکٹھے چھٹی لینا اک ہتھکنڈا ہوندا ہے تاکہ ریلوے دا نظام بیٹھ جائے۔ بظاہر تے ایہہ بہت عام جہی گل لگدی ہے کہ بر طرف ساتھیاں دی بحالی دا مطالبہ کیتا جائے۔ پر ایہہ برطرف کیتے گئے ریلوے دے ملازم اوہ پنج چھ ملازمین نیں جو مختلف حادثیاں وچ ذمہ وار سن۔ جس طراں لانڈی وچ دو گڈیاں دا تصادم ہویا کڑوڑاں دا نقصان تے ہویا قیمتی جاناں وی ضائع ہوئیاں۔ ہن حادثیاں وچ 43ہلاکتاں ہوئیاں سن جیہناں لئی چھ ملازمین مکمل انکوائری دے بعد کڈے گئے سن۔ ایس مطالبے نوں تسلیم کرنا تے دور دی گل ایس گل نوں سُنا گے وی نہیں۔ ہڑتال دی وجہ توں وزیر برائے ریلوے خواجہ سعد رفیق نے سنیچر دی صبح ہنگامی اجلاس طلب کیتا تے آکھیا کہ ملازمین دے جائز مسئلے ضرور حل کیتے جان گے جداں کے چھ چوں دو مطالبات منن دا اشارہ پہلے ہی دتا جاچکیا ہے۔ انہاں دا مزید کہنا سی کہ ٹرین ڈرائیور 50 توں 90 ہزار روپے ماہانہ پہلے لے رہے نیں۔ اسی مہینے تنخواہ وچ دس فیصد مزید اضافہ ہویا ہے۔ پر ہن مائیلج وچ اضافے دے ناں تے تنخواہاں وچ چار گنا اضافہ منگیا جا رہیا ہے جو ناممکن ہے۔ خواجہ سعد رفیق نے یقین دہانی کروائی کہ اڑتالیس گھنٹے دے اندر ملک وچ ساریاں ٹریناں دی وقت تے آمد تے روانگی نوں یقینی بنادتاجائے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels