Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> حقانی نیٹ خلاف کاروائیاں نہ کرن پاروں پاکستان نوں 5ارب دے فوجی خرچے نہیں ملن گے۔ پینٹا گون

حقانی نیٹ خلاف کاروائیاں نہ کرن پاروں پاکستان نوں 5ارب دے فوجی خرچے نہیں ملن گے۔ پینٹا گون

وچار ڈیسک
July 23rd, 2017

کیہہ ایہہ پریشر پاکستان نوں سعودی اتحاد وچ واڑن لئی ہے؟ٹائمنگ وی ہشیار ہے؟مسلہ واقعی حقانی نیٹ ورک ہے یا ایہہ نرا اک فرنٹ بینر ہے؟ایہہ سب سوال ہی نیں۔ایس خبر دے ڈانڈے کس، کس نال ملدے نیں، ایس پتہ وی چل جا سی۔ہن تساں خبر آپ پڑھو۔ امریکی وزیر دفاع جیمز میٹس نے کانگریس نوں دسیا ہے کہ امریکہ مالی سال 2016 لئی فوجی اخراجات دی مد وچ پاکستان نوں دتی جان والی باقی ماندہ ادائیگیاں نہیں کراں گے کیونکہ پاکستان نے حقانی نیٹ ورک دے خلاف کافی اقدامات اختیار نہیں کیتے گئے۔ ایہہ گل پنٹا گون دے ترجمان ایڈم سٹمپ نے جمعہ دے دن دسی سی۔ امریکی وزیر دفاع نے آکھیا ہے کہ ایہہ فنڈ فی الحال حکومت پاکستان نوں جاری نہیں کیتے جاسکن گے۔ کیونکہ اوہ ایس گل لئی تصدیق نامہ جاری نہیں کرسکدے کہ پاکستان نے حقانی نیٹ ورک دے خلاف خاطر خواہ اقدامات اختیار کیتے نیں۔ 2016 دے نیشنل ڈیفنس اتھرائزیشن ایکٹ دے تحت ایہہ تصدیق لازمی ہے۔ صدر ٹرمپ دی انتظامیہ پاکستان دے بارے وچ سخت موقف اپناندے ہوئے نویں رستے لبھ رہی ہے ۔ایڈم سٹمپ دا کہنا سی کہ ایس فیصلہ نوں وائٹ ہاؤس ولوں جنوبی ایشیا بارے پالیسی تے مڑ جھات پاون نال جوڑنا غلط ہو سی۔ایہہ جھات تے اجے جاری ہے۔چیتے رہے پئی پاکستان نے امریکی محکمہ خارجہ ولوں جاری کیتی گئی اوس رپورٹ نوں مسترد کردتا سی جس وچ آکھیا سی کہ پاکستان نے افغانستان وچ امریکی مفادات نوں تحفظ دین دی کوشش نہیں کیتی ہے۔ ایہہ پہلی مرتبہ نہیں کہ امریکہ نے فوجی اخراجات دی مد وچ ہون والی ادائیگیاں نوں روک لتا ہے۔ پچھلے سال وی امریکہ نے 30 کڑوڑ ڈالر (30ارب )دی فوجی مدد روک لتی سی۔ مالی سال 2016 دے دوران امریکہ ولوں پاکستان نوں 90 کڑوڑ ڈالر دی فوجی مدد فراہم کیتی جانی سی جس چوں 55 کڑوڑ ڈالر ادا کیتے جاچکے نیں۔ باقی ماندہ رقماں چوں 30 کڑوڑ ڈالر نوں دوجے مقاصد لئی پروگراماں وچ شامل کرلتا گیا ہے۔ اینج میٹس نے جس کٹوتی ول اشارہ کیتا ہے اوس توں محض باقی رہ جان والی 5 کڑوڑ ڈالر دی فوجی مدد ہی متاثر ہوئے گی۔ فوجی مدددی ایہہ رقماں کولیشن سپورٹ فنڈ دے تحت پاکستان نوں فراہم کیتیاں جاندیاں نیں۔ ایہہ امریکی محکمہ دفاع دا اک پروگرام ہے جس دے ذریعے امریکہ اپنے اتحادیاں نوں دہشت گردی تے بغاوت روکن دی کوشش تے اُٹھن والے اخراجات دی رقم ادا کردا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels