Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> استعفیٰ دا دباؤ کون،کیوں ودھا رہیا ہے؟ہر کوئی اک دوجے توں ڈر رہیا ہے۔فیصلہ سناؤ

استعفیٰ دا دباؤ کون،کیوں ودھا رہیا ہے؟ہر کوئی اک دوجے توں ڈر رہیا ہے۔فیصلہ سناؤ

July 22nd, 2017

اک مہان اینکر کجھ عرصہ توں آکھدا رہیا ہے کہ وزیراعظم نوں ’’شہید‘‘ نہیں بنن دتا جائے گا۔ کیہ ایہہ نویں ہشیار پالیسی دا بوتھا جے؟ اج نویں قومی اتحاد دے لیڈرسید خورشید شاہ وی وزیراعظم نوں اج راتی تیک استعفیٰ دین دا آکھ دتا ہے۔ ہورے پی پی پی نوں جج بڑھے چنگے لگ رہے نیں؟ فواد چوہدری آکھدے نیں پی پی پی والے تے جمعہ جنج نال وانگ نیں۔فواد نوں کیہہ ڈر ہے؟ ویسے اندوں ڈر رہے نیں کہ کم پورا ہی کتھے چوڑ نہ ہو جائے۔ جج وی جاندے نیں پئی پی پی پی دا ججاں نال پیار نہیں سگوں مسئلہ ایجنڈے دا ہے۔ مہان اینکر آکھدا ہے پئی چہرے بدلن نال کوئی فرق نہیں پئے گا کیونجے سسٹم چلدا رہے۔ایس نوں وی ڈر وادھو۔ ایہہ سب ہشیار ایجنڈے دے مختلف روپ۔ پر جاپدا ہے پئی ایجنڈیاں وچ ایجنڈے وادھو۔ کوئی ایس نوں نرا وزیراعظم تیک رکھنا لوڑی دا ہے تے کوئی ایس نوں چوناں تیک لیجانا چاہیندا ہے اتے کوئی ایسے وی نیں جیہڑے سارے سسٹم نوں لپیٹن دی فکر وچ۔ ایہہ گھما وزیراعظم دے جان بعدوں ہی کھلے گا کہ فیر قومی اتحاد ترٹ جائے گا تے ستارے اپنی اپنی وکھری ڈفلیاں پھڑ یچ لین گے۔ وڈا سوال تے انہاں دا ہے جیہڑے ایس نوں ریاض ، دبئی تے لندن توں چلا رہے نیں۔ کیہہ وزیراعظم نوں سعودی اتحاد وچ نہ رلن دی سزا دتی جارہی ہے؟ کیہ چینی سرمایہ کاری متھے توں کجھ قوتاں نوں دکھدی ہے؟ سب سامنے آجائے گا۔سوال تے ایہہ ہے پئی فیصلہ محفوظ تاں کیتا ہے ہورے وزیراعظم نوں استعفی دین تے اخیری زور لایا جاسکے؟ ایہہ اینج دا ہی موقعہ ہے جنج کسے سول ملٹری افسر نوں ترقی نہ دین بعدوں ’’کمائیاں‘‘ دا اخیری موقعہ دتا جاندا ہے جس دی ڈیڈ لین پہلاں توں طے ہوندی ہے۔کیہ عدالت بھٹو نوں پھاہے لاون، قرطاس ابیض ونڈن تے میڈیا وچ بھٹو دے مظالم وکھان دے باوجود پی پی پی نوں مکاسکی سی یا پی پی پی دی گڈی ہو چڑھ گئی سی؟ ایجنڈا ہشیار بنایا ہے کہ وزیراعظم ’’شہید‘‘ نہ بن سکن۔ کیہ ڈر ہے بھلا؟ایہہ ڈر باہروں آیا ہے ہورے۔ سوالاں دے جواب پہلے توں پتہ نہیں پر سب اڈیک وچ کہ وزیراعظم دبا قبولدے نیں یا نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels