Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> حج دے بہانے اسرائیل نال سعودی یاریاں؟جہاز تل ابیب توں مکہ جا سن؟پالیسی بدل رہی جے؟شاہی خاندان وچ ونڈ

حج دے بہانے اسرائیل نال سعودی یاریاں؟جہاز تل ابیب توں مکہ جا سن؟پالیسی بدل رہی جے؟شاہی خاندان وچ ونڈ

وچار ڈیسک
July 16th, 2017

ٹرمپ دے دورے بعدوں سعودی عرب حاکم شاہی خاندان اک پاسے قطر نال جھیڑے تے دوجے پاسے اسرائیل بارے ہشیار پالیسیاں بنا رہیا ہے۔اج ہی عالمی میڈیا دسیا ہے کہ فلسطین دے مفتی اعظم محمد احمد حسین نوں اسرائیلی فوجیاں گرفتار کر لتا ہے۔اسرائیل دو ریاستی یا دو قومی حل لئی وی تیار نہیں پر سعودی شاہی خاندان ٹرمپ نوں خش کرن وچ اگے اگے۔عالمی میڈیا ایس گل ول اشارے کر رہیا ہے کہ شاہی خاندان وچ نویں پالیسیاں پاروں اندر اندر جھیڑے ودھ رہے نیں۔سابقہ سی آئی اہلکار تے امریکی تھنک ٹینک بروکنگز ایسٹیٹیوٹ نال جڑے بروس ریڈل اپنے تازے آرٹیکل وچ دس دتا ہے کہ یمن وچ فوجاں نہ گھلن تے چین نال یاریاں بہوں ودھان پاروں ٹرمپ تے سعودی شاہی خاندان والے نواز شریف توں ناراض نیں۔ ہن سعودی عرب ہشیار پالیسیاں پاروں اسروئیل نال سانگیاں دا رستہ وی کھول رہیا ہے۔ایہہ بدل چکی پالیسیاں دا بوتھا ہے پر پاکستان وچ اک دھڑا سعودی اتحاد وچ وڑن لئی بے چین ہے۔ تساں اسرائیلی وزیر دا بیان پڑھو تے تہانوں ایس ہشیار پالیسی دی سمجھ آجائے گی۔
اسرائیلی گورنمنٹ اج کل سعودی عرب جان لئی براہ راست حج پروازاں دی اجازت دی خاشمند ہے۔ ایس دا نکشاف اسرائیلی وزیر مواصلات ایوب کار نے اک جریدے بلومبرگ نوں اپنے اک انٹر ویو وچ کیتا ہے۔ اسرائیلی وزیر مواصلات دے مطابق ایس نے حج پروازاں دے سلسلے وچ سعودی عرب، اردن تے دوجے ملکاں نال گل بات کیتی ہے۔ ایہہ ملک ایس لئی تیار جے۔ ایہہ بہوں حساس معاملہ ہے تے ایس تے مزید مذاکرات ہوئے نیں۔ اسرائیلی وزیر مواصلات ایوب کارانے آکھیا کہ ہن حقیقت بدل چکی ہے تے ایس امید دا اظہار کیتا کہ اسرائیلی مسلمان تل ابیب دے بن گوریاں ائیر پورٹ توں براہ راست سعودی عرب لئی پرواز کرسکن گے۔ پہلے اسرائیلی مسلمان حاجی ایتھوں بساں دے ذریعے جاندے نیں اتے دریائے اردن تے سعودی صحرا توں اک ہزار میل دا پینڈا ٹپ کے اوہ مکہ مکرمہ پہنچدے نیں۔ اک اندازے دے مطابق چھ ہزار اسرائیلی ہر سال حج دی ادائیگی لئی جاندے نیں۔انہاں وچ اسرائیلی جسوس کڈے ہوندے نیں ایس بارے ہشیار میڈیا کجھ نہیں دسیا۔عالمی میڈیا وچ اسرائیل تے سعودی عرب دے خفیہ سانگیاں بارے وی خبراں چھپدیاں رہیاں نیں پر اینج جاپدا ہے پئی ہن انہاں نوں اوپن کرن دا ویلہ آرہیا ہے۔بھارت، سعودی عرب، اسرائیل تے امریکہ دے ودھدے سانگے ایس نویں ہشیار پالیسی دا بوتھا نیں اتے ایس وچ ایران مخالفت تے چین مخالفت دا ایجنڈا سب توں اگے ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels