Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عمران نوں لندن فلیٹ دی دستاویزاں لئی 7 دن دی مزید مہلت:منی ٹریل دینی ہو سی چیف جسٹس

عمران نوں لندن فلیٹ دی دستاویزاں لئی 7 دن دی مزید مہلت:منی ٹریل دینی ہو سی چیف جسٹس

وچار ڈیسک
July 14th, 2017

ایس ویلے دونوں لیڈر منی ٹریلاں دے رہے نیں پر جے سیاستداناں باقیاں دی منی ٹریلاں بارے سوال کر دتے تاں پئے بھرتو جان گے۔فیصلہ کجھ وی آئے پر عام لوکاں نوں پتہ ہے منی ٹریلاں  کسے وی کول پوریاں نہیں پر دوجیاں ول اشارے وادھو۔ہن تساں خبر آپ پڑھو
اسلام آباد: چیف جسٹس ثاقب نثار نے عمران خان دے خلاف نااہلی کیس دی پیشی دوران ریمارکس دیندے ہوئے آکھیاکہ عمران خان لندن فلیٹاں دی ملکیت تسلیم کردے نیں تے دسن کہ ادائیگیاں کس طراں کیتیاں نیں۔ عدالت دے پچھن تے پی ٹی آئی دے وکیل نے آکھیا کہ الیکشن کمشن دے جواب تے جواب الجواب جمع کرا دتا ہے۔ غیر ملکی فنڈنگ توں متعلق نصف ریکارڈ موصول ہوگیا ہے۔ ریکارڈ موصول ہون تے اک ہفتے وچ جمع کردتا جائے گا۔ جس تے چیف جسٹس نے پچھیا کہ انور منصور نوں جواب جمع کرانا سی۔ سانوں عدالتی حکم تے عملداآمد توں غرض ہے۔ اگست وچ کجھ ججز نوں بیرون ملک جانا ہے۔ ججاں اپنی 10 ہفتیاں دی چھٹیاں نوں گھٹ کر کے 2,2 ہفتیاں دی چھٹیاں کررہے نیں اتے چاہندے نیں کہ مقدمہ جلد ختم ہوئے۔ دوجے کیس وی سن سکیے۔ عمران دے وکیل نے آکھیا کہ عدالت نے کرکٹ آمدن متعلق آبزرویشن دتی سی۔ لندن فلیٹس دی کرکٹ آمدن نال خریداری تے کسی نے اعتراض نہیں چکیا۔ حنیف عباسی دے وکیل اکرم شیخ نے نکتہ چکیا کہ عمران خان دے خلاف کیس فراڈ دا ہے۔ ایمنسٹی سکیم توں فیدہ عمران خان نے چکیا، نیازی سروسز نے نہیں۔ جس تے جسٹس فیصل عرب بے ریمارکس دتے کہ اتہاڈے موقف وچ تضاد ہے ۔کدی کہندے ہو فلیٹ آف شور کمپنی دا ہے، کدی خود کہندے نیں کہ فلیٹ عمران خان دا ہے جو ظاہر نہیں کیتا۔ چیف جسٹس نے آکھیا کہ سمجھ نہیں آرہیا پئی ایہہ مقدمہ ٹرائل ہے یا انکوائری۔ میں بیرون ملک جائیداد نہیں خریدی ایس لئی طریقہ کار توں واقف نہیں۔ آف شور کمپنیاں عموماً پیسے چھپاون تے منی لانڈرنگ وچ ورتیاں جاندیاں نیں۔مسلہ ایمانداری دا ہے کہ بندہ عوامی نمائندہ ہے۔اساں تے نرا فلیٹ دی رقم دین دی منی ٹریل منگی ہے کیونجے اساں اپنی تسلی چاہندے ہاں۔اساں ویکھنا چاہندے ہاں کہ کیہہ لندن فلیٹ دی رقم عمران خان دتی ہے۔ایہہ پیسہ پاکستان توں منی لانڈنگ پاروں باہر تے نہیں گیا۔ عدالت نے لندن فلیٹ توں متعلق 7 روز وچ دستاویزاں جمع کران دا حکم دیندے ہوئے آکھیا ایہہ ایشو اسی چکیا ہے درخاست گزار نے نہیں ۔اک لکھ 17 ہزار پاؤنڈ لندن فلیٹس لئی ادا کیتے گئے، باقی رقم کیش ادا نہیں ہوئی۔ سوال ایہہ ہے کہ غیر ملکی کمائی دا کوئی ثبوت ہے؟ عمران دے وکیل نے آکھیا کہ انہاں دے موکل نے ایمنسٹی سکیم دے تحت فلیٹ ظاہر کیتا۔ جے ایمنسٹی سکیم لینا بدنیتی ہے تے فیر ایہہ سب تے ہوئے گی۔ ایہہ کوئی پہلی ایمنسٹی سکیم نہیں سی ۔جے ایہہ بے ایمانی ہے تے فیدہ چکن والے سب بے ایمان نیں۔ چیف جسٹس نے ریمارکس دتے کہ تُسی سانوں مطمئن کرنا ہے کہ لندن فلیٹ کیناں پیسیاں توں خریدیا تے پیسے کس طراں دتے۔ جسٹس عمر عطا بندیال دا کہنا سی کہ روپا ایکٹ 1997 دے تحت ڈیکلریشن دی ضرورت نہیں سی۔ تہاڈے کول انکم ٹیکس دے سوا پراسکیوشن لئی کوئی قنون نہیں۔ چیف جسٹس نے آکھیا ہے کہ پانامہ کیس جلد نمٹانا چاہندے نیں۔ کسی نہ کسی صورتحال دے باعث تاخیر ہوجاندی ہے۔ ایہہ مقدمات جلد ختم ہونا عدلیہ لئی وی چنگا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels