Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ملازم مر گیا: جے طیبہ کیس نوں لمکایا نہ ہوندا تے گل ہور ہوندی۔مشال کیس دا کیہہ ہویا؟وزیر اعلی دا نوٹس

ملازم مر گیا: جے طیبہ کیس نوں لمکایا نہ ہوندا تے گل ہور ہوندی۔مشال کیس دا کیہہ ہویا؟وزیر اعلی دا نوٹس

وچار ڈیسک
July 12th, 2017

جو حال طیبہ تشدد کیس دا ساڈے ایتھے ہویا اتے جنج اک ایڈیشنل سول جج نوں عملی پدر تے، چیف جسٹس دے سوموٹو دے باوجود بجاون دی کھلی کوششاں ہوئیاں ایس نال لوکاں وچ کیہہ پیغام گیا؟اسلا م آباد ہائی کورٹ وچ ایہہ کیس دسمبر توں ہے۔مارچ وچ چیف ہوراں سوموٹو لتا سی اتے اج جولائی ہے۔ اینج ہی لہور وچ ہی خدیجہ دا کیس وی ہے جس وچ الزام اک وکیل دے پتر تے ہے۔ طیبہ نوں تے میڈیا بھل چکیا ہے البتہ خدیجہ کیس نوں میڈیا فیر وی چکدا ہے ۔ ایس سب بارے بار تے بینچ نوں کجھ سوچنا ہو سی۔ہن خبر آئی ہے کہلہور وچ اک خاتون دے تشدد نال 16 سالہ گھریلو ملازم اختر علی مر گیا۔ایہہ وہ الزام ہی ہے پر گل ادھوں چوڑ ہوندی ہے جداں انصاف ہوندا نظر نہیں آندا۔ پر جے میڈیا نے ایس کیس نوں وی طیبہ تشدد کیس وانگ کجھ دن بریکنگ نیوز بنا کے بھل جانا ہے تاں گل ہور خراب ہو سی۔اک وڈی مثال صوفی مشال کیس دی ہے جس بارے ہن چوپاسی خموشیاں نیں۔ ملازم اختر علی دے والد محمد اسلم نے اکبری گیٹ پلس نوں دسیا کہ انہاں دا پُتر اختر علی تے دھی عطیہ لہور وچ اندرون اکبری گیٹ دی رہائشی فوزیہ بی بی دے گھر تے پچھلے تِن چار سال توں ملازم سن۔ محمد اسلم دے مطابق اختر علی پچھلے کجھ عرصے توں فوزیہ بی بی ولوں انہاں دے نال ناروا رویے تے مبینہ تشدد دی شکایت کردا سی۔ پلس دے مطابق فوزیہ بی بی پنجاب اسمبلی دی ممبر شاہ جہان دی دھی ہے۔ صوبہ پنجاب دے ضلع اوکاڑہ دے رہائشی محمد اسلم نے پلس نوں دسیا کہ انہاں نوں منگل نوں اختر علی دی طبیعت خراب ہون دا پتہ چلیا سی جس تے اوہ ایس دی خیریت دریافت کرن لہور آیا سی۔ محمد اسلم دی دھی عطیہ نے اپنے والد نوں دسیا کہ دو دن پہلے فوزیہ بی بی نے مبینہ طور تے لوہے دے ڈنڈے تے چمچ دے نال اختر علی نوں ماریا سی۔ محمد اسلم دی درخاست تے اکبری گیٹ تھانے وچ درج رپورٹ دے مطابق محمد اسلم نے الزام لایا ہے کہ فوزیہ بی بی دے مبینہ تشدد توں آن والے زخماں دی تاب نہ لاندے ہوئے انہاں دا پُتر اختر علی ہلاک ہوگیا۔ تھانہ گیٹ اکبری وچ ڈیوٹی تے مامور پلس اہلکار نے بی بی سی نوں دسیا کہ پلس نوں واقع دی اطلاع شام چھ وجے دے قریب ملی جس نے موقع تے جاکے لاش نوں قریبی ہسپتال منتقل کیتا جتھے ایس دا پوسٹ مارٹم ہویا۔ پلس دے مطابق واقع دی یف آئی آر درج کرن ے بعد ملزمہ دی گرفتاری لئی چھاپے مارے جا رہے نیں تاہم اپنی رہائش گاہ تے موجود نہیں سن۔وزیراعلی پنجاب نے نوٹس لے لتا ہے جس بارے اب تک نیوز سمیت میڈیا تے خبر چل رہی ہے۔کیونجے میڈیا تے خبر چل چکی ہے تاں ماری ہورے سوموٹو وی ہع جائے پر مسئلہ تے انصاف دا ہے جیہڑا جیبہ، خدیجہ تے مشال کیسیاں وچ نہیں ہویا۔
CM notics
https://abbtakk.tv/en/cm-punjab-takes-notice-of-recovery-of-servant-body-from-mpas-house/
Nation news
http://nation.com.pk/national/12-Jul-2017/tortured-dead-body-of-child-servant-found-from-pmln-mpa-s-house


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels