Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کراچی: نیشن دے پورٹر عبداللہ نوں سادہ لباس افراد گھر توں چک لتا۔پر میڈیا کول وقت نہیں

کراچی: نیشن دے پورٹر عبداللہ نوں سادہ لباس افراد گھر توں چک لتا۔پر میڈیا کول وقت نہیں

وچار ڈیسک
July 11th, 2017

جداں میڈیا دے وڈے تھم ہی چپ رہن گے تے دوجے چینلاں والے بولن گے نہیں تاں فیر صحافیاں تے آزادی صحافت بارے کیہہ گل کریے۔اج عبداللہ تے کل کوئی ہور کہ اساں ایہو کم طریقے نال کیوں نہیں کرسکدے۔ دوجے چینل کیوں خموش رہندے نیں۔خبراں پاروں دسیا گیا کہ کراچی دے علاقے سکیم 33 توں وی نیشن دے رپورٹر عبداللہ ظفر نوں انہاں دے گھر توں ضمنی الیکشن توں پہلاں سادہ لباس افراد نے گھر چک لیا۔ عبداللہ دے والد ظفر نے دسیا کہ رات ساڑھے 3 وجے دے نیڑے سادہ لباس وچ 10 توں 15 افراد انہاں دے گھر آئے تے جس طراں ہی دروازہ کھولیا تے سارے افراد رپورٹر دے کمرے وچ وڑے۔ اسی دوران عبداللہ انہاں توں گل بات کیتی تے اپنا پریس کارڈ وی وکھایا پر اوہ افراد ااوس دے چہرے تے کپڑا پا کے اپنے نال لے گئے۔ انہاں دا مزید کہنا سی سارے افراد تِن گڈیاں وچ سوار سن جہیناں چوں دو پلس وردی وچ سن جداں کہ دوجے افراد سادہ لباس وچ سن۔ عبداللہ دے والد ظفر دا مزید کہنا سی انہاں افراد نے شاہ فیصل کالونی وچ اوسدے بھرا گھر وی چھاپا ماریا۔اوس داآکھنا سی کہ اساں شاہ فیصل کالونی توں کجھ دیر پہلاں لائرز سوسائٹی وچ منتقل ہوئے نیں۔ ظفر دا کہنا سی انہاں الزام لایا کہ میرے پتر تے پنج کڑوڑ دا جیک دتا سی جیہڑا باوئنس ہو گیا۔میرے پُتر تے ایس طراں دے الزام غلط نیں۔ اپنے پُتر دے حوالے نال انہاں دسیا کہ ااوس دا کسی وی سیاسی یا مذہبی جماعت نال کوئی تعلق نہیں۔ پلس وچ رپورٹ درج کران دے حوالے توں انہاں دا کہنا سی کئی وار اوہ قریبی سچل تھانہ گئے تاہم پلس ایف آئی آر کرن توں کترا رہی سی تے تیجی مرتبہ تھانے وچ اوہ گئے تے اک عہدیدار نے رجسٹر وچ ریکارڈ کیتے بغیر انہاں دی درخاست وصول کیتی۔ پہلے ایس ایس پی ملیر راؤ انوار نے دسیا پلس نے کسی صحافی نوں حراست وچ نہیں لتا۔ انہاں دا کہنا سی آئی جی سندھ اے ڈی خواجہ خود انہاں نوں ہدایت کیتی ہے کے صحافی دے اہل خانہ درخاست تے ایف آئی آر درج کردتی جائے۔ دی نیشن کراچی دے ریذیڈنٹ ایڈیٹر ضمیر شیخ دا کہنا سی کہ عبداللہ پچھلے تِن سالاں توں اخبار توں منسلک نیں تے سیاسی رپورٹنگ کردے نیں۔ خیال رہے کراچی وچ حال ہی وچ خاتون صحافی زیبا برنی نوں انہاں دے گھر وچ قتل کردتا گیا سی ، پلس نے انہاں دے قاتل نوں گرفتار کرن دا دعویٰ کیتا سی۔ کراچی یونین آف جرنلسٹس دے جنرل سیکرٹری فہیم صدیقی نے دی نیشن دے سٹاف رپورٹر عبداللہ ظفر دی ایس طراں غیر قنونی حراست وچ لیتے جان دے 15 گھنٹیاں بعد وی انہاں دی گرفتاری ظاہر نہ کرن تے شدید تشویشاں تے مذمتاں کردے ہوئے وزیراعلیٰ، گورنر سندھ، ڈی جی رینجرز، آئی جی سندھ تے وفاقی وزیر داخلہ توں مطالبہ کیتا ہے عبداللہ ظفر دی ایس طراں غیر قنونی حراست دا نوٹس لے کے انہاں دی فوری بازیابی نوں یقینی بنان تے جے کسی مقدمے وچ گرفتاری عمل وچ لائی گئی ہے تے اہلخانہ نوں ایس بارے دسن۔ نیشن رپورٹ دے مطابق پلس رینجرز سمیت قنون نافذ کرن والی ایجنسیاں نے ایس چھاپے وچ ملوث ہون دا انکار کیتا ہے۔ آئی جی پلس سندھ اللہ ڈینو خواجہ نے آکھیا ہے میں چیک کیتا ہے عبداللہ پلس دے کول نہیں۔ ڈی آئی جی سی ٹی ڈی ثناء اللہ عباس عبداللہ نوں حراست وچ لین توں انکار کیتا ہے۔ رینجرز دے اک عہدیدار دا کہنا ہے کہ پیرا ملٹری فورس دا عبداللہ دے اغوا وچ کوئی کردار نہیں۔ وزیر داخلہ سندھ سہیل انور سیال نے واقعہ دا نوٹس لیندے ہوئے ڈی آئی جی ایسٹ نوں ہدایت کیتی ہے کہ اوہ عبداللہ دی جلد بازیابی یقینی بنان۔ عبداللہ دی والدہ نے اغوا کرن والیاں توں اپیل کیتی ہے کہ اوہ ایس نوں کوئی نقصان نہ پہنچان۔ پاکستان فیڈرل یونین آف جرنلسٹس دے جنرل سیکرٹری ایوب جان نے وی عبداللہ دی غیر قنونی حراست تے اغوا دی مذمت کیتی ہے تے حکام توں صحافی دی جلد بازیابی نوں یقینی بنان تے زور دتا ہے۔پر گل اج وی اوتھے ہی ہے کیونجے وڈے چینلاں نوں پانامہ ڈرامیاں توں ویہل نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels