Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جے آئی ٹی رپورٹ جمع ہو سی:بھٹو کیس بعدوں سب توں وڈا تے متنازعہ مقدمہ

جے آئی ٹی رپورٹ جمع ہو سی:بھٹو کیس بعدوں سب توں وڈا تے متنازعہ مقدمہ

July 10th, 2017

پاکستانی تریخ سیاسی مقدمیاں نال بھری ہے پر کجھ کیس ایسے جنہاں پاکستان نوں سیاسی، معاشی، سماجی طور تے تباہ کرن وچ وڈا کردار ادا کیتا انہاں وچ سب توں وڈا کیس بھٹو دی پھانسی دا سی۔ایس مقدمے دے اک جج اتے سابقہ چیف جسٹس آف سپریم کورٹ نسیم حسن شاہ مرن توں پہلاں اوس دباؤ بارے سچ دس گئے جیہڑا ضیا شاہی تے اسٹیبلشمنٹ نے اوس ویلے دے ججاں تے پایا سی۔جدوں جج یا جرنیل سیاست وچ وڑدے نیں تے چند افسراں نوں تے فیدہ ہو جاندا ہے پر ادارے متنازعہ ہو جاندے نیں اتے سیاست کرن والے وی انہاں متنازعہ اداریاں دے مگر ہو کے سیاستاں کر دے نیں۔ایس کم نوں کتھے نہ کتھے تے بند کرنا ہو سی کہ38سال توں بھٹو کیس عدالت تے انصاف بارے سوال چک رہیا ہے۔ہن ایس وچ اک ہور مقدمے دا اصافہ ہو چکیا ہے۔بھٹو تے بظاہرقتل دا مقدمہ سی تے ایہہ کرپشن دا، پر سب جاندے نیں کہ ایہہ سیاسی مقدمے نیں۔اسٹیبلشمنٹ62تے63 جہی شقاں اتے58(2)بی ورگے کم آئین وچ واڑے ہی سیاستاں پاروں سن۔پر انہاں سب کرتوتاں پاروں ہی اج پاکستان نوں پارلیمنٹ دی حکمرانی توں اڈ چلانا اوکھا ہو چکیا ہے۔اشرافیہ خش ہے کہ ادارے تے سیاستاں کرن والے لڑدے رہن اتے میڈیا رولا پاندا رہے تانجے اشرافیہ ول کوئی دھیان نہ دے۔ایہہ گل بہوں سارے باہرلیاں نوں وی سوٹ کریندی ہے۔اج جے آئی ٹی رپورٹ دے گی تاں عدالت اک وار فیر1979والے دوہرائے تے ہے۔جداں سب دھڑیاں دی ساکھ سٹیک تے لگ جائے تے کھپ پینا لازم۔سونے تے سہاگہ سعودی امریکی اتحاد وچ حاضریاں تے سی پیک دا غصہ۔اسٹیبلشمنٹ اپنا پرانا وطیرہ تے بیانیہ بدلن نوں تیار نہیں کہ وزیر اعظماں نوں ذلیل کرنا ایس دا وڈا پکھ۔اسٹیبلشمنٹ اج وی پاکستان دے مسلیاں دا حل پارلیمنٹ دے تگڑا ہون دی تھاں 58(2)بی تے نیشنل سیکورٹی کونسل وچ سمجھدی ہے۔اوہ فیصلے بند کمریاں وچ کرنا چاہندے نیں ۔عدالت جو وی کرے گی ایس دااثر پاکستان تے پئے گا۔جے اشرافیہ بے نظیر دی گل من کے سچ تے مفاہمت والا کمیشن بنن دیندی تے اج پاکستان بہوں اگے جا رہیا ہوندا پر اشرافیہ کسے نوں جوبدے نہیں ہونا چاہندی۔کھیڈ جاری، رپورٹ وی آجائے گی، پر ویلہ کسے نوں اڈیکدا نہیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels