Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مشرف وی جے آئی ٹی دے نال: سپریم کورٹ کجھ کرے۔عبوری حکومت بناؤ۔مشرف

مشرف وی جے آئی ٹی دے نال: سپریم کورٹ کجھ کرے۔عبوری حکومت بناؤ۔مشرف

وچار ڈیسک
July 10th, 2017

جے آئی ٹی اپنا کم ٹھیک کیتا پر اوس نوں ڈکیا جارہیا ہے۔ملک بچاون لئی عبوری حکومت بناؤ۔ جداں وی فوجی حکومت نے الیکشن کروائے اوس وچ دھاندلیاں نہیں ہوئیاں۔آرمی نوں ہی الیکشن کروانے چاہیدے نیں۔عمران خان گھٹ و گھٹ پی پی پی تے مسلم لیگ (ن) توں چنگا ہے۔2013وچ سب نے مل کے دھاندلیاں کیتیاں۔ میرے نال بہوں زیادتی ہوئی۔مسلم لیگ (ن) ججاں نوں خرید لیندی ہے۔اج دنیا تیزی نال بدل رہی ہے تے یہودیاں تے ہندواں دا اتحاد بن رہیا ہے۔ میں اپنے دور وچ میں ایس اتحاد نوں بنن توں روکن لئی ہی کم کردا رہیا ساں۔ملک نوں58(2)بی تے نیشنل سیکورٹی کونسل دی لوڑ ہے۔
ایہہ لطیفے نما بیان جنرل(ر) پرویز مشرف دے نیں جنہاں نوں اج ایکسپریس نیوز دے پروگرام وچ منصور علی خان ہوراں نے گل بات لئی ویڈیو لنک تے لتا ہویا سی۔فوجی خکومتاں دے دور وچ فاطمہ جناح دا الیکشن وی سب نوں یاد ہے اتے 1985تے2002دے بدترین الیکشن وی کسے نوں بھلے نہیں اتے جے بھلے نیں تے مشرف تے اینکر نوں۔جے آئی ٹی دی حمائیت کر کے مشرف اوہی کیتا جس دی انہاں توں امیداں سن۔انہاں جو عدالتاں تے ججاں نال کیتا سی اوہ سب جاندے نیں۔ اک پاسے اوہ عدالت نوں ہلا شیریاں دے رہے نیں تے دوجے پاسے ججاں دے وکن دی گلاں وی ایسے انٹرویو وچ کیتیاں۔جداں مشرف توں موجودہ آرمی چیف قمر جاوید باجوہ بارے سوال کیتا گیا تے انہاں باجوہ ہوراں دی گل کرن دی تھاں ایہہ آکھیا کہ کیونجے انہاں دے مگر آرمی دا وڈا تے تگڑا ادارہ ہے تاں مارے اوہ ٹھیک فیصلے کردے نیں۔جے اوہ ایسے گل تے رہن تے ایہہ وی من لین کہ 2007 بعدوں اوہ آرمی دے وڈے تے تگڑے ادارے تے بوجھ بن چکے سن اتے جداں ادارے نے انہاں نوں فارغ کردتا تے ہن اوہ اپنے توں بعد آون والے آرمی چیفاں تے تنقید کرن دی تھاں ’’چپ‘‘ کر جان۔پر مشرف اج وی اپنا مذاق آپ بناون وچ مگن نیں۔جے پارلیمنٹ دی آگوائی نوں سب ادارے من لین اتے پارلیمانی کمیٹیاں پاروں سب پالیسیاں سامنے بننا شروع ہو جان تاں نہ تے58(2)بی دی لوڑ ہے اتے نہ ہی نیشنل سیکورٹی کونسل دی۔جس ہندو یہودی اتحاد نوں نہ بنن دین لئی مشرف اپنے منہ میاں مٹھو بن رہے نیں اوس دا حل تے بھارت نال چنگے سانگے نیں۔ مشرف وی کوشش کیتی پر جداں واجپائی ہوری پاکستان آئے سن تے مشرف اوس بارے وی گل کردے۔موجودہ سرکار تے چنگے سانگے چاہندی ہے پر اج کل بھارت فرنٹ لین ریاست بنن لئی ایہہ نہیں چاہندا۔




Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels