Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کیہہ جے آئی ٹی تے سعودی چھاپ ہے؟ سب توں اہم گواہ ، سب توں اخیر تے کیوں؟

کیہہ جے آئی ٹی تے سعودی چھاپ ہے؟ سب توں اہم گواہ ، سب توں اخیر تے کیوں؟

وچار ڈیسک
July 8th, 2017

ایہہ گل پہلے وی چکی گئی سی کہ اج کل دے نازک حالات پاروں جے آئی ٹی نوں خارجہ وزارت دی مدد نال اینج گل ٹورنی لوڑی دی ہے کہ پاک قطرسفارتی سانگیاں تے اثر نہ پئے۔ ایہہ سب جاندے نیں کہ اپریل تے مئی 2017وچ قطر تے سعودی عرب دے سانگے وگڑنے شروع ہو گئے سن جداں قطر نے اپریل وچ17 سالہ پابندیاں ایران نال مکا دتیاں سن تے گیس دا معاہدہ کیتا سی۔ہور تے ہور سی اائی اے دے سابقہ چیف مئی وچ قطر خلاف بیان دتا سی جیہڑا ریکارڈ تے ہے۔ اپریل تے مئی وچ مڈل ایسٹ دے کڈے سفیراں اتے حکومتاں دے سوشل میڈیا اکاؤنٹ تے وہب سائٹاں ہیک ہویاں۔ سفارتی پدر تے ال ہلچل سی جس دا وڈا بوتھا پنج جون نوں سامنے آیا جداں سعودی عرب تے یو اے ای سنے چار ملکاں قطر دا ناطقہ بند کردتا۔ جے اائی ٹی دی شان ظہور دا زمانہ وی اوہی ہے۔اپنی پیدائش توں پہلے جے آئی ٹی والیاں نوں حالات بارے علم سی تاں فیر انہاں قطر ی شہزادے نال اخیر وچ کیوں ملاقاتاں رکھیاں؟ کیہہ جے آئی ٹی والے اک تیر وچ دو شکار کرنا چاہندے نیں؟ کیہہ پاکستان وچ سعودی لابی اپنا رنگ وکھا رہی ہے؟ ایہہ سب سوال جے آئی ٹی دے کنڈکٹ پاروں ودھ گئے نیں۔اپنے تازے خط وچ قطری شہزادے مڑ آکھیا ہے کہ خط دی تصدیقاں لئی جداں مرضی آجاؤ۔انہاں اپنے پرانے خطاں دی من مرضیاں دی تشریحاں پاروں جے آئی ٹی نوں آکھیا کہ میں پاکستانی قنوناں ہیٹھ تفتیشاں دی گل کدی نہیں کیتی۔ کیہہ پاکستان نے امریکی دانشورمارک سیگل توں اینج ہی بیان لتا سی جنج اوہ قطری شہزادے نال کر رہی ہے؟اک میڈیا رپورت وچ دسیا گیا ہے کہ مشرف نال تفتیشاں کرن والی جے آئی ٹی تے اوس دے گھر باہے کھلو کھلو کے مڑ پرت آندی سی۔ہن جے آئی ٹی یا تے ایکسٹینشن منگے گی یا فیر قطر ول توپاں دا رخ کرے گی۔جے آئی ٹی نے عدالت دا کم سوکھا کرن دی تھاں ہور اوکھا کر دتا ہے۔جے آئی ٹی نوں ماملے دی بریکیاں دا خیال رکھنا لوڑی دا سی کہ پاکستان سعودی عرب تے قطری جھیڑے وچ نیوٹرل ہے۔
 ref
https://en.dailypakistan.com.pk/headline/qatari-prince-refutes-accepting-jurisdiction-of-pakistani-laws-as-jit-gears-up-to-submit-final-report/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels