Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> آئندہ الیکشن وچ ’بلے‘ نوں کجھ نہیں ملے گا: بلاول پنجاب توں ہی اٹھے گا۔ زرداری

آئندہ الیکشن وچ ’بلے‘ نوں کجھ نہیں ملے گا: بلاول پنجاب توں ہی اٹھے گا۔ زرداری

وچار ڈیسک
July 6th, 2017

داود وچ منعقد ورکراں دے کنونشن نال گل بات کردے ہوئے آصف علی زرداری آکھیا کہ اوہ جمہوریت نوں چلاون دی جنگ لڑدے رہن گے چاہے ایہہ ٹاکرا کڈا ہی لمیرا کیوں نہ ہوئے۔ زرداری آکھیا اکثر دوست کہندے نیں کہ 70 سال وچ کینی ترقی کیتی، پاکستان کیوں ترقی نہیں کرسکیا؟ پر اوہ ایہہ بھول جاندے نیں کہ پاکستان وچ 40 سال تک اک مارشل مائنڈ سیٹ نے حکومت کیتی۔ پرہن ایہہ مائنڈ سیٹ نہیں چلے گاسگوں جمہوریت چلے گی تے اسی ایہہ سوچدے نیں کہ آئندہ ڈیڑھ سوسال وچ کیہ ہونا ہے۔ 40 سال پہلے جنرل ضیاء الحق ولوں پیپلز پارٹی دے بانی تے ایس وقت دے وزیراعظم ذولفقار علی بھٹو دی حکومت دا تختہ الٹے جان دے معاملے تے زرداری نے آکھیا، بھٹو نوں آکھیا کہ باہر ٹر جاؤ، پر انہاں نے منع کردتا۔ حالانکہ انہاں نوں پتہ سی کہ انہاں دے نال کیہ ہون والا ہے۔ زرداری آکھیا کہ سیاسی لوکاں نوں خود نوں حکومت وچ رکھن لئی کم نہیں سگوں عوام نوں حکومت دوان دے لئی کم کرنا چاہیداہے۔ سابق صدر نے اک مرتبہ فیر ایس گل نوں دہرایا کہ جے میں اختیارات پارلیمنٹ نوں نہ دتے ہوندے تے اج میاں صاحب وزیراعظم نہیں سگوں صدر ہوندے تے صدر دے خلاف کوئی ریفرنس نہیں آسکدا۔ انہاں دا مزید کہنا سی کہ آن والے الیکشن وچ ایہ خرابیاں دور ہون گیاں تے بلے (تحریک انصاف) نوں وی ایس دا فیدہ نہیں ہوئے گا۔ ایس دا فیدہ عوام نوں ہوئے گا تے عوام دا مطلب پیپلز پارٹی ہے۔ پنجاب وچ مسلم لیگ ن دی صوبائی حکومت نوں تنقید دا نشانہ بناندے ہوئے انہاں نے آکھیا کہ جے ایہہ لیپ ٹاپ دے بہانے ساتھوں الیکشن جیت وی جان تے ایس دا ایہہ مطلب نہیں کہ پارٹی اوتھے موجود نہیں ہے۔ پر جداں بلاول اٹھے گا تے پنجاب توں ہی اٹھے گا۔ پیپلز پارٹی دی خواتین کارکناں نوں مخاطب کردے ہوئے زرداری نے دسیا کہ انہاں دی صاحبزادی لیاری توں الیکشن لڑنا چاہندی ہے ۔ آصف علی زرداری نے اک مرتبہ فیر پاک چین اقتصادی راہداری (سی پیک) منصوبے دا کریڈٹ خود لیندے ہوئے آکھیا کہ ایہہ سی پیک دا تصور نوازہوراں نے تھوڑا جینا چوری کیتا ہے، چلو پنجاب نوں تھوڑا جیہا زیادہ حصہ دے دین، پر انشااللہ اسی جو تصور دتا ہے اوہ لمیرے چر لئی ہے تے سندھ وچ وی صنعتاں لگن گئیاں۔ انہاں دا مزید کہنا سی کہ راہداری گیم چینجرہی نہیں سگوں خطے نوں بدل کے رکھ دے گی۔سوال تے ایہہ ہے کہ پارٹی سندھ توں باہر کتھے ہے؟جے پنجاب نون ونڈن دی پالیسی رہے گی تے بلاول پنجاب توں کنج اٹھے گا؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels