Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جے آئی ٹی دوہا اپڑ گئی، پر گل اوتھے ہی؟ اخیر مسئلہ کیہہ ہے؟

جے آئی ٹی دوہا اپڑ گئی، پر گل اوتھے ہی؟ اخیر مسئلہ کیہہ ہے؟

وچار ڈیسک
July 5th, 2017

جداں ایہہ گل آکھ دتی گئی سی اتے میڈیا وی تواتر نال رپورٹ کیتا سی کہ قطری پرنس سفارتخانے نہیں آنا تاں فیر ایس نوں مسئلہ کیوں بنایا جارہیا ہے؟جیو دے پروگرام کیپیٹل ٹاک وچ اج ایہہ دسیا گیا کہ جے آئی ٹی قطر اپڑ چکی ہے پر سفارتخانے وچ ملاقات نہ ہون تے گل وگڑ رہی ہے۔حلانکہ جیو سمیت سارے میڈیا ایہہ پہلے دسیا سی کہ قطری پرنس اپنے خط وچ ایہہ پہلے ہی دس دتا سی۔کتھے دبئی والیاں ایہہ پٹی نہیں پڑھائی؟ دبئی، سعودی عرب دی اپنی لڑائی ہے قطر نال کہ پاکستان تے ایس وچ نیوٹرل ہے۔ایس ویلے عرباں دے اپنے پنگے چل رہے نیں کہ سانوں اوس توں دور رہنا چاہیدا ہے۔ جے ایہہ مسئلہ بنیا تے ایس دا اثر سفارتی پد رتے پئے سکدا ہے۔کیونجے حالات بہوں خراب نیں، ڈیڈ لین مک چکی ہے تاں جے آئی ٹی نوں پاکستان دی خارجہ وزارت نال گلکر کے جانا چاہیدا سی۔جداں پرنس ہوری سوالاں دے جواب دین نوں تیار نیں تاں ایس نوں نک دا مسئلہ نہیں بنانا چاہیدا سی۔کتھے جے آئی ٹی ایکسٹینشن تے نہیں لینا چاہندی؟ قطری پرنس توں بغیر کہانی پوری نہیں ہوندی تاں ایکسٹینشن لئی ایہہ وڈی وجہ بن سکدی ہے۔ پر اوہ سوچن کہ انہاں حالات وچ مسئلہ سفارتی پدر تے وگڑ نہ جائے۔سعودی عرب تے خش ہی ہوئے گا پر سوال تے پاکستان دی پوزیشن دا ہے اتے یمنی قرارداد تے کھلوتی اسمبلی دی بنائی پالیسی نیوٹرل رہن دا بار بار آکھ چکی ہے۔ہن ایس کم نوں مکانا ہی چاہیدا ہے تانجے دس تریخ نوں رپورٹ عدالت جائے تے ججاں نوں مقدمہ اگے ٹورن وچ کوئی اوکڑ نہ رہے۔ہن پکی خبر تے اوس دیہاڑ ملے گی جداں جے آئی ٹی والے واپس آون گے۔اوس ویلے تیک سب گلاں وادھو نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels