Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایران ولوں کشمیری جدوجہد آزادی دی حمائیت۔مودی دے اسرائیلی دورے دا جواب

ایران ولوں کشمیری جدوجہد آزادی دی حمائیت۔مودی دے اسرائیلی دورے دا جواب

وچار ڈیسک
July 5th, 2017

ایرانی سپریم لیڈر ولوں کشمیری مسلماناں دی جدوجہد آزادی دی حمائیت وچ بیان اک ایسے موقعہ تے سامنے آیا ہے جداں مودی اسرائیل دے دورے تے نیں۔اسرائیل دا دورہ کرن نال بھارت کیہہ کجھ کھو رہیا ہے ایس دا اندازہ بھارت نوں جلد ہو جائے گا۔ایران دی سرکاری نیوز ایجنسی ارنا ولوں دسیا گیا ہے کہ قائد اسلامی انقلاب آیت اللہ خامنائی نے ایرانی عدلیہ نال گل بات کردے ہوئے کشمیری مسلماناں دی آزادی دی لہر دی مدد کرن دا آکھیا ہے۔انہاں عدلیہ تے زور دیندے ہوئے آکھیا کہ اوہ عالمی قنونی تبدیلیاں تے نظر رکھدے ہوئے قنون تے انصاف دے ذریعے دنیا دے مظلوماں بشمول میانمار(برما) تے کشمیر دے مسلماناں دی حمایت وچ آواز بلند کرن۔ انہاں خیالات دا اظہار سپریم لیڈر نے پیر دے دن ایرانی عدلیہ دے سربراہ تے سنیئر عدالتی حکام دے نال اک ملاقات وچ خطاب کردے ہوئے کیتا۔ ایس ملاقات وچ عدلیہ دے سربراہ آیت اللہ صادق املی لاریحانی عدلیہ دے نائب سربراہ تے ترجمان غلام حسین محسنی اڑہ ای، اٹارنی جنرل محمد جعفری منتظری سمیت عدلیہ نال تعلق رکھن والے ملک بھر دے سینئر حکام شریک سن۔ایرانی عدلیہ دے اہم کردار دا ذکر کردے ہوئے انہاں آکھیا کہ عدلیہ نوں چاہیدہ ہے کہ معاشرے وچ قوم دے حقاں دا دفاع کردے ہوئے قنون توڑن والیاں خلاف سخت رویہ اپنائے۔ انہاں نے وطن عزیز ایران وچ عدلیہ دی اہم پوزیشن بالخصوص ایس دے حکومت تے پارلمینٹ دے نال کلیدی تعاون دا حوالہ دیندے ہوئے آکھیاکہ عدلیہ نوں چاہیدا ہے کہ عوامی حقاں دے مخالفاں تے ملکی قنون توڑن والیاں نال سختی نال پیش آئے تے نال نال معاشرے وچ عوامی حقاں تے آزادیاں لئی علم چکے۔ دوجے پاسے اسرائیلی پریس دا آکھنا ہے کہ ایہہ ساڈی فلسطینیاں خلاف پالیسی دی جت ہے۔ چیتے رہے پئی مودی پہلے بھارتی وزیراعظم نیں جنہاں اسرائیل دا سرکاری دورہ کیتا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels