Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کیہہ امریکی سینٹراں دا دورہ پاڑ گھٹا سکے گا؟

کیہہ امریکی سینٹراں دا دورہ پاڑ گھٹا سکے گا؟

وچار ڈیسک
July 4th, 2017

اوہ وزیراعظم پاکستان نال ملے وی تے فاٹا وی گئے۔ پاکستان وچ وڈے وڈے افسراں نوں ملے۔ ایہہ گل پتہ نہیں چلی کہ انہاں پاکستان نوں امریکی سعودی اتحاد وچ رلن دا مشورہ دتا ہے یا نہیں۔چین نے پاکستان تے افغانستان وچ چنگے سانگیاں لئی کردار ادا کرن دا آکھیا ہے کہ امریکی سینٹراں ایس بارے کوئی گل کیتی ہے یا ایس بارے خموش سفارتکاریاں چلا رہے نیں۔تساں ہن میڈیا دی ایس دورے بارے خبر پڑھو۔
اسلام آباد :امریکہ دے کلیدی قنون سازاں دا ایک وفد، جس دی قیادت سینیٹر جان مکین کررہے نیں، اتوار دے روز پاکستان دا دورہ کیتا جتھے انہاں نے چوٹی دے سرکاری تے فوجی اہل کاراں نال ملاقاتاں کیتیاں، جس دوران سانجھے مفاداں اتے خارجہ مسلیاں بارے گل بات ہوئی۔ ایہہ دورہ ایسے وقت کیتا گیا جدوں صدر ڈونلڈ ٹرمپ ایس ماہ دے اواخر وچ افغان جنگ دی نویں حکمتِ عملی دا اعلان کرن والے نیں۔ دوجے پاسے ایہہ الزامات لگ رہے نیں کہ پاکستانی سر زمین تے موجود محفوظ پناہ گاہاں طالبان دی بغاوت نوں قائم رکھن تے ایس وچ تیزی لیاون دا موجب بن رہی ہے۔ امریکی سینیٹراں نے وزارتِ خارجہ وچ تفصیلی مذاکرات کیتے جتھے پاکستان دی سربراہی، امورِ خارجہ دے مشیر سرتاج عزیز نے کیتی۔ ایہہ گل ملاقات دے بعد ہون والے اک بیان وچ آکھی گئی ہے۔ بیان وچ آکھیا گیا ہے کہ سرتاج عزیز نے دہشت گردی دے خلاف پاکستانی سلامتی فوجاں دی کامیابی دے بارے وچ بریفنگ دتی تے انہاں دسیا کہ ’’دہشت گرد نیٹ ورک تباہ کیتے گئے نیں تے محفوظ پناہ گاہاں دا صفایا کیتا گیا ہے‘‘۔
مشیر نے مہماناں نوں دسیا کہ پاکستان امریکہ دے نال ’’تعمیری‘‘ گل بات دا منتظر ہے، جیہناں کوششاں دا مقصد افغانستان وچ استحکام تے خوش حالی نوں فروغ دینا ہوئے۔ انہاں نے ایس گل ول توجہ دوائی کہ پاکستان امریکہ دے نال اپنی پارٹنر شپ نوں مضبوط تے گہرا کرن لئی وی تیار ہے، تاکہ داعش دے دہشت گرداں نوں خطے وچ اپنے قدم جمان توں روکیا جائے۔ پاکستانی بیان وچ مکین دے حوالے توں، جو سینیٹ دی مسلح فوجاں دی قائمہ کمیٹی دے سربراہ نیں، دسیا گیا ہے کہ انہاں نے دہشت گردی دے خلاف لڑائی وچ پاکستان دی کوششاں تے قربانیاں نوں سراہیاں، تے دوناں ملکاں دے درمیان جاری رابطیاں دی اہمیت دی نشاندہی کیتی۔ بعد چوں امریکی وفد نے فوج دے سربراہ، جنرل قمر جاوید باجوہ نال راولپنڈی وچ ملاقات کیتی، جتھے فوج دا صدر دفتر واقع ہے۔ اتوار دی رات گئے فوج ولوں جارہی ہون والے اک بیان وچ آکھیا گیا ہے کہ دوناں فریق نے سکیورٹی تعاون تے پاکستان تے افغانستان دے درمیان رابطے تے اتفاق کیتا۔ امریکی وفد دے دوجے ارکان وچ سینیٹر لنڈ سی گراہمر، سینیٹر الزبیتھ وارن، سینیٹر ڈیوڈ پرڈیو تے سینیٹر شیلڈن وائٹ ہاؤس شامل سن۔ افغان طالبان دے نال پاکستان دے مبینہ رابطے تے انہاں دے خوفناک اتحادی حقانی نیٹ ورک اک طویل مدت توں امریکہ دے نال تناؤ دا مرکز بنے ہوئے نیں۔ انہاں الزامات نال پاکستان تے افغانستان دے درمیان تعلقات وچ وی کشیدگی رہی ہے، حلانکہ پاکستانی اہل کار انہاں لزامات نوں مسترد کردے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels