Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کدی تعریفاں تے کدی گالاں۔۔خان اک وار فیر جنگ ۔جیو خلاف۔۔اگلا یو ٹرن کدوں آ سی

کدی تعریفاں تے کدی گالاں۔۔خان اک وار فیر جنگ ۔جیو خلاف۔۔اگلا یو ٹرن کدوں آ سی

وچار ڈیسک
June 19th, 2017

لگدا ہے خان ہوراں نوں کجھ ناکامیاں داسامنا ہے کہ اوہ اوس توں توجہ ہٹاون لئی اک وار فیر اوسے جنگ جیو دے خلاف ہو گئے جس دی تعریفاں اوہ کجھ دیر پہلاں کر رہے سن۔کل تک ایہو میڈیا ٹھیک سی پر اج کجھ ہور کم پئے گیا ہے۔ایہہ تے سب جاندے نیں خان ہوراں پہلے وی اجہے بائیکاٹ کیتے سن اتے ہن فیر بائیکاٹ دی دھمکی لائی ہے۔ انہاں دا الزام پرانا ہے کہ میر شکیل الرحمن میاں ہوراں دے نال ہے۔ کل نوں فیر مافی تلافی ہوئے گی۔ ایس وار کس خان ہوراں نوں بائیکاٹ ول گھلیا ہے؟ ایس بارے وی لگ پتہ جائیگا۔کیہہ کوئی اخیری ’’جوا‘‘ کھیڈن توں پہلاں جنگ نوں اپنے حق وچ نیوٹرل کرن دا ارادہ ہے؟کتھے جنگ دے اندر وی انہاں دے سہولت کار نیں؟ سوال زیادہ نیں تے جواب تھوڑے کہ کجھ دن وچ کٹی کٹا نکل آ سی۔ تھلے خبر دا لنک ہے تسی آپ پڑھ لو۔
https://jang.com.pk/print/333046-todays-print

نوٹ: ایہہ خبر 18اتے 19دی رات بارہ وجے جنگ دی ویب سائٹ تے لگی سی پر صبح دے اخبار وچ پہلے تے بیک پیج تے نظر نہیں آئی اتے ویب سائٹ تے وی سامنے نہیں۔ لنک ہلے تیک کم کر رہیا ہے۔کیہہ دوناں وچ مک مکا ہو گیا ہے یا این آر او، دوناں نے نہیں دسنا۔دوجا میڈیا ایس بارے کیہہ آکھدا ہے ایہہ وی سامنے آجا سی۔جے مک مکا یا این آر او ہو گیا تاں کیہہ جیو، جنگ دے تفتیشی صحافی اتے اینکر ایس تے کوئی سٹوری کر سکن گے؟ ویکھدے ہاں۔
 


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels