Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نیوکلیئر سپلائر گروپ وچ رلت:بھارت تے پاکستان ممبر بن سکدے نیں؟ہر اک لئی اک اصول ہو سی ۔چین

نیوکلیئر سپلائر گروپ وچ رلت:بھارت تے پاکستان ممبر بن سکدے نیں؟ہر اک لئی اک اصول ہو سی ۔چین

وچار ڈیسک
June 18th, 2017

چین اک وار فیر اکلے بھارت دی نیوکلیئر سپلائر گروپ (این ایس جی)وچ رلت نوں ڈک سی۔کجھ لوک ایس نوں چین بھارت جھیڑیاں پاروں ویکھدے نیں پر چین این ایس جی وچ اصولاں نوں سامنے رکھ کے پالیسیاں دی حمائیتاں تے مخالفتاں کر رہیا ہے۔چین درمیانہ رستہ لبھ لتا ہے جس دا فیدہ بہوں ملکاں نوں ہو سی۔ایس ویلے ایس گروپ وچ روس، چین،امریکہ، برطانیہ، جرمنی،فرانس،پیلا روس،ترکی،ناروے،فن لینڈ سنے بہوں ملک ممبر نیں۔ این ایس جی دا اجلاس اگلے ہفتے سوئٹزر لینڈ وچ ہورہیا ہے۔ چین آکھیا ہے کہ انہاں دی’’ نان این پی ٹی‘‘ ریاستاں دے این ایس جی وچ رلت دے بارے پچھلے سٹینڈ وچ کوئی تبدیلی نہیں آئی ہے۔ ایس پاروں بھارت دے ایس 48رکنی ایلیٹ گروپ وچ اکلے رلتی ہون دے امکان مزید گھٹ گئے نیں۔ چین دی خارجہ وزارت دے بلارے لیو کانگ میڈیا نوں دسیا کہ ’’نیوکلیئر سپلائر گروپ دے مسئلے تے میں تہانوں چین دا موقف دس سکدا ہاں کہ نویں ارکان دی این ایس جی وچ رلت دے حوالے نال چین دا سٹینڈ تبدیل نہیں ہویا ۔‘‘ ایہہ گل اوہناں نے ایس سوال دا جواب دیندے ہوئے آکھی کہ روس دے صدر پوٹن نے شنگھائی تعاون تنظیم دے سربراہی اجلاس دے موقع تے آستانہ وچ چین نال این ایس جی وچ بھارت دی رلت دے معاملے نوں چُکیا سی ۔ این ایس جی دا اجلاس اگلے ہفتے سوئس دارالخلافہ برن وچ ہورہیا ہے۔ چین تے بھارت دے دوطرفہ تعلقات وچ ایہہ مسئلہ اک وڈی اڑچل بن چکیا ہے۔ بھارت دے ایس گروپ وچ رلت دی درخاست دین دے بعد پاکستان جس نوں چین دا بہترین دوست منیا جاندا ہے نے وی ایس دی رکنیت لئی درخاست دتی سی۔ جداں کہ بھارت نوں امریکہ سمیت کجھ مغربی ملکاں دا ساتھ حاصل ہے۔جداں کے چین دا موقف ہے کہ نویں ارکان پہلے این پی ٹی تے دستخط کرن ، جداں کہ بھارت ایس فہرست وچ شامل نہیں ہے۔ ایس بارے بہوں اجلاساں بعد چین نے دو مرحلیاں تے مشتمل ایس دا حل پیش کیتا کہ این ایس جے ملک پہلے ایس اصول تے متفق ہون کہ نان این پی ٹی ریاستاں نوں این ایس جی وچ رلت دتی جائے ، جس دے بعد مخصوص کیسز دے بارے وچ مزید گل بات ہوئے گی۔جس بنیاد تے بھارت نوں ممبری لبھے گی اوسے بنیاد تے پاکستان دا رستی وی صاف ہو جا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels