Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عالمی این جی اوز بارے داخلہ وزیر دا پالیسی بیان:کیہہ ریال والیاں دی واری وی آئے گی؟پارلیمنٹ کتھے؟

عالمی این جی اوز بارے داخلہ وزیر دا پالیسی بیان:کیہہ ریال والیاں دی واری وی آئے گی؟پارلیمنٹ کتھے؟

وچار ڈیسک
June 17th, 2017
5 / 5 (1 Votes)

پاکستان وچ عالمی این جی اوز دی بڑیاں قسماں کہ عالمی جہادیاں دی منی ٹریل بارے وی کدی داخلہ وزیر گل کرن گے؟کیہہ عالمی این جی اوز وچ مڈل ایسٹ توں رقماں لین والے وی رلتی نیں؟ جے ریاست نوں40سال بعدوں کوئی خیال آیا ہے تے ایس بارے پالیسی بیان تے پارلیمنٹ وچ دتا جانا بندا ہے؟ کیہہ کسی پارلیمانی کمیٹی وچ داخلہ وزیر ایس بارے بحثاں کیتیاں نیں؟ ہن تے قومی سلامتی دی سانجھی پارلیمانی کمیٹی وی بن چکی ہے۔ہلے دو دن پہلاں یورپی پارلیمنٹ ایس حوالے نال پاکستان تے تنقیداں وی کیتیاں نیں تے قرارداد وی منظور ہوئی ہے۔ایس بارے داخلہ وزیر کیوں پارلیمنٹ نہیں جاندے؟قنون تے بننا چاہیدا ہے پر ایس لئی جے شفافیت نہیں ہوئے گی اتے بیوروکریٹاں تے انحصاری پالیسی چلے گی تے ایس قنون یا پالیسی بارے سوال اٹھن گے۔داخلہ وزیر جو آکھیا اوس نوں وی چھاپاں گے پر جے 40سال ریاست نے کن لپیٹے رکھے تے ایس دا الزام باہرلیاں تے لاون نال کم نہیں بنے گا۔بیانیے وچ ریاست نوں اپنے گھاٹے مننے پین گے۔داخلہ وزارت وچ عالمی این جی اوز بارے بنے ونگ نوں تگڑا کرن دی گل تے کیتی گئی پر کیہہ سیکورٹی اداریاں دسیا ہے کہ چالیہہ سال توں ایہہ ونگ تگڑا کیوں نہیں سی؟سوال زیادہ نیں کہ ایس مسئلہ نوں بند کمریاں وچ حل نہیں کیتا جاسکدا۔مسئلہ اوس ویلے حل ہون ول ٹرے گا جداں پارلیمنٹ وچ ایس بارے بحثاں ہون گیاں۔عالمی این جی اوز تے جسوسیاں ، اسلحہ سمگلنگ،سیاسی مداخلتاں،بین تنظیماں نال رابطیاں دے الزام لاون والیاں نوں لبیا، عراق، یو اے ای،ایران تے سعودی عرب توں رقماں آون بارے وی پوری گل کرنی ہو سی۔عالمی پدر تے کسی نکمے بیانیے نال ہور مذاق بنے گا کہ ایہہ کم پارلیمنٹ وچ ہوئے گا تاں ایس نوں عالمی برادری وی سنجیدگی نال ویکھے گی۔
https://www.dawn.com/news/1340050/10-international-non-government-organisations-registration-requests-rejected


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels