Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> نیوز لیکس ایشو، انکوائری رپورٹ بارے میڈیا وچ آکھے گئے جھوٹ سامنے ۔سول ملٹری پاڑ اوتے سیاستاں

نیوز لیکس ایشو، انکوائری رپورٹ بارے میڈیا وچ آکھے گئے جھوٹ سامنے ۔سول ملٹری پاڑ اوتے سیاستاں

وچار ڈیسک
May 18th, 2017

ڈان لیکس بعدوں ہن کلبھوشن ٹارگٹ کہ اٹھ و اٹھ مارن والے دفاعی ماہر تے اینکر پرانا غصہ فکس کر رہے نیں۔ایس کم وچ کون کون ملوث ہے ایس بارے ایہہ رپورٹ پڑھو۔جے سول ملٹری پاڑ ودھے گا تے فیر انتہا پسندی تے ات گردیاں خلاف کم کمزور ہوئے گا۔

جنگ : نیوز لیکس انکوائری کمیٹی دی رپورٹ واضح طور تے میڈیا دے کجھ حلقیاں تے انہاں دے پسندیدہ ’’باخبر‘‘ سابق فوجی فسران دی ٹیم دے جھوٹ نوں بے نقاب کردی ہے جنہاں پاروں پچھلے ست مہینیاں دے دوران کھل کے سازشی گلاں پھیلائیاں گیاں تانجے سول تے فوجی قیادت دے درمیان پاڑ پایا جا سکے۔ اک باخبر وزارتی ذریعے نے دی نیوز نوں دسیا کہ نیوز لیکس دی رپورٹ وچ دسیا ہے کہ عمومی پروپیگنڈہ دے برعکس، انکوائری کمیٹی نے وزیراعظم ہاؤس آفس دے کسی عہدیدار یا مقیم تے شکوک و شبہات دا اظہار نہیں کیتا کہ ایس نے متعلقہ اخبار یا رپوٹر نوں اجہی خبر لیک کیتی ہوئے۔ ذرائع ایس نمائندے نوں دسیا کہ تہانوں ایہہ جان کے حیرت ہوئے گی کہ میڈیا وچ کجھ ہرکاریاں غیر معمولی انداز توں بحث نوں مطلبی رنگ دتا کہ اوہی لوک ’’لیک ہون والی خبر‘‘ دے اصل ’’مجرم‘‘ نیں۔ پر کمیٹی دی رپورٹ وچ انہاں لوکاں دا ناں سرے توں موجود ہی نہیں۔ میڈیا دے اک پریشان تے مایوس حلقے نے کجھ چنیدہ دفاعی ماہراں نال مل کے پچھلے ست مہینیاں دے وچ کھل کے وزیراعظم نواز شریف دی نیوز لیکس دے ذریعے مسلح افواج نوں بدنام کرنے دی مبینہ سازش دے حوالے نال جھوٹ تے جھوٹ بولے۔ ذرائع دا حوالہ دیندے ہوئے، ایہہ عناصر مبینہ واٹس ایپ پیغامات دا ذکر کردے رہے جہناں دا تبادلہ رپورٹر (جس نے انگریزی اخبار وچ متنازع رپورٹ شایع کیتی) تے وزیراعظم دی کُڑی مریم نواز دے درمیان ہویا سی۔ انہاں ہرکاریاں تاثردتا کہ ایہہ واٹس ایپ پیغامات ملک دی سر کردہ انٹیلی جنس ایجنسی نے جمع کیتے نیں۔ پر نیوز لیکس دی انکوائری کمیٹی وچ ملٹری انٹیلی جنس (ایم آئی) تے انٹر سروسز انٹیلی جنس (آئی ایس آئی) دے ارکان وی شامل سن۔ جس وقت کجھ ٹی وی اینکراں تے انہاں دے محبوب سابق فوجیاں نے بلاروک ٹوک ٹی وی ٹاک شوز دے دوران ہر طرح دے الزامات عائد کیتے ایس وقت پرنٹ میڈیا وچ وی کجھ اداریاں نے قیاس آرائیاں تے مشتمل رپورٹاں شائع کیتیاں سن۔ میڈیا دے اس گندے کردار نے نہ صرف سول تے ملٹری قیادت دے درمیان پاڑ ودھائی سگوں عام آدمی نوں وی ایہہ سوچن تے مجبور کیتا کہ میڈیا دے جھوٹ درست سن۔ انگریزی دے اخبار وچ شائع ہون والی اک بے بنیاد تے قیاس آرائی تے مشتمل خبر وچ ’’رپورٹ‘‘ دا حوالہ دیندے ہوئے آکھیا کہ اُس وقت دے وزیر اطاعات پرویز رشید نے مبینہ طور تے اک سر کردہ میڈیا گروپ دے مالک نال رابطہ کیتا تاکہ خبر شائع کرائی جاسکے پر مذکورہ اخبار نے خبر چلان توں انکار کردتا۔ اسی خبر وچ وزیراعظم آفس دے اک سینئر بیوروکریٹ دا ناں دسیا گیا تے الزام عائد کیتا گیا کہ انہاں نے اعلیٰ سطح دے اجلاس دے اہم نکات لیک کردتے نیں۔ تاہم نیوز لیکس دی انکوائری رپورٹ وچ ایسی کسی گل دا ذکر نہیں کیتا گیا۔ پرویز رشید کسی دے نال ایس طرح دی خبر دا تبادلہ کرن وچ ملوث نکلے تے نہ ہی وزیراعظم آفس دے کسی عہدیدار یا وزیرعظم ہاؤس دا کوئی مکین ایس طرح دی مشکوک سرگرمی وچ ملوث پایا گیا۔ نیوز لیکس دی انکوائری رپورٹ وچ کسی سازش دا انکشاف نہیں ہویا۔ دلچسپ گل ایہہ ہے کہ نیوز لیکس دا معاملہ طے ہون ا تے سول حکومت تے فوجی قیادت دے درمیان آئی ایس پی آر دے ٹوئٹ دا ماملہ نبڑن دے بعد میڈیا دے انہاں اینکراں تے سابق فوجیاں نے پاک فوج دی قیادت نوں تنقید دا نشانہ بنانا شروع کردتا۔ جس وقت آرمی چیف نوں سول تے فوجی قیادت دے اختلافات دور کرن وچ کردار ادا کرن تے سراہیا گیا، ایس وقت انتشار پسنداں نے حکومت دے نال تصادم توں بچن تے فوجی قیادت نوں تنقید دا نشانہ بنایا۔ افسوس دی گل ایہہ ہے کہ عام عوام وچ ایسے کئی لوک نیں جو ایس طرح دے عناصر دے جھوٹ تے پروپیگنڈہ نال متاثر ہوجاندے نیں تے سمجھدے نیں کہ فوجی قیادت نے نیوز لیکس دے معاملے تے سمجھوتا کرلیا ہے۔ پر نیوز لیکس دی انکوائری رپورٹ وچ ایس طرح دے غلط تاثرات نوں مسترد کردتا گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels