Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پوتن سفارتکاریاں:اگلے مہینے مودی نواز ملاقات کراسکدے نیں۔اینٹی انڈیا لابی کھپ پانی شروع کر دیو

پوتن سفارتکاریاں:اگلے مہینے مودی نواز ملاقات کراسکدے نیں۔اینٹی انڈیا لابی کھپ پانی شروع کر دیو

May 18th, 2017

اک پاسے ریاست پاکستان دا ہر پدر تے ایہہ سٹینڈ ہے کہ پاکستان تے بھارت نال گل بات چاہندا ہے پر بھارت ایس تے بہانے بناندا ہے۔ پر دوجے پاسے پیپلز پارٹی تے پی ٹی آئی اتے بہوں سارے میڈیائی ہرکارے ہر اوس کوشش تے تنقیداں کردے نیں جس پاروں بھارت نوں مڑ گل بات دی میٹنگ لئی میز تے لیا یا جائے۔مودی دی حلف چکن والی تقریب توں جندال ملاقات تیک اجہی حرکتاں ریاست دے سٹینڈ نوں کمزور کریاں نیں۔ھد تے ایہہ ہے کہ پی پی پی جیسی پارٹی وی انہاں کماں وچ اگے اگے ہے۔ہن جنگ دی خبر پاروں بیجنگ وچ چینی صدر شی جن پنگ دی موجودگی وچ دوجی گول میز کانفرنس دے اخیر تے وزیر اعظم نواز شریف دی روس دے صدر ولاد یمیر پوتن نال ہون والی ملاقات وچ بریک تھرو ہویا ہے۔ ایس ملاقات دے نتیجے وچ وزیراعظم نواز شریف تے بھارت دے وزیراعظم نریندر مودی دے درمیان اگلے مہینے شنگھائی تعاون کونسل دے اکٹھ وچ قازقستان دے دارالحکومت استانہ وچ ملاقات ایہہ ملاقات ہوسکدی ہے۔ پاکستان تے بھارت دونوں ایس تنظیم دے رکن نیں۔ روس تے چین دے صدر وی کونسل دے اجلاس وچ رلت کرن گے۔ ذرائع دا آکھنا ہے کہ پاک بھارت کشیدگی دے دوران ایہہ پہلا موقع ہوئے گا کہ روس تے چین دے صدر پاک بھارت وزرائے اعظم دے نال اجلاس وچ شرکت کرن گے۔ ذرائع دا آکھنا ہے کہ پاکستان نے بھارتی وزیراعظم نال ملاقات لئی کوئی درخاست نہیں کیتی۔ سانجھے دوست ملکاں دی کوشش توں پاکستان ملاقات تے غور کرسکدا ہے۔ ذرائع دا آکھنا ہے کہ روسی صدر تے وزیراعظم نواز شریف دے درمیان ملاقات بہوں مختصر رہی۔ ملاقات دوران انہاں دے مشیراں نے شرکت نہیں کیتی۔ ملاقات دے اخیری ویلے وچ چینی صدر نے وی رلت کیتی۔اینٹی انڈیا لابی کول تیاری لئی کافی لمیرا ویلہ ہے اتے اوہ تیاریاں پھڑن۔ون بیلٹ ون روڈ فورم بعدوں بھارت دی مشکلاں وادھو نیں اتے پاکستان ولوں گل بات چالو کرن دے سانجھے پیغام بعدوں بھارت تے پریشر ودھے گا۔البتہ کجھ لوکاں نوں پاکستان تے بھارت وچ تفرتاں دا کاروبار مکدا نظر آئے گا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels