Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> 12 مئی 2007: کراچی دا جلیانوالہ۔وسیم اختر،کمال، ستار کدوں سچ بولن گے؟دس سال ہو گئے

12 مئی 2007: کراچی دا جلیانوالہ۔وسیم اختر،کمال، ستار کدوں سچ بولن گے؟دس سال ہو گئے

May 12th, 2017

بارہ مئی 2007 کراچی دی تریخ دا اوہ خونی دن جداں شہر دی سڑکاں تے کھلے عام گولیاں چلائیاں گیاں تے ماردھاڑ، جلاؤ گھراؤ وادھو۔وکیلاں نوں اد دیہاڑے ساڑن والا واقعہ تے سب توں خوفناک سی۔ ایہہ دیہاڑ کراچی لئی اوہی حیثیتاں رکھدا ہے جنج ہند سندھ دی تواریخ وچ جلیانوالہ باغ قتلام دا دیہاڑ، پر ایس وار مارن والے گورے نہیں سگوں ’’اپنے‘‘ سن۔ درجناں بندیاں نوں قتل کیتا گیا۔مشرف دی کرتوتاں دی سزا کراچی نوں ملی کہ جلاداں وچ اگے اگے ایم کیو ایم سی جس نوں ’’شرفو‘‘ٹولہ دے کن ٹٹے آکھنا غلط نہ ہوئے گا۔ بارہ مئی 2007 کراچی دی تریخ دا اک سیاہ ترین دن ہے۔قتلام دا بہانہ تے افتخار چوہدری دی کراچی یاترا سی جس نوں ڈکن لئی اوس ویلے سندھ دے داخلہ وزیر تے موجودہ میئر کراچی وسیم اختر،اوس ویلے دے کراچی دے مئیر مصطفی کمال، فاروق ستار،حیدر رضوی وغیرہ شاہ توں وادھ شاہ پرست بنے ہوئے سن۔ معزولی دے بعد سابق چیف جسٹس افتخار محمد چوہدری کراچی آئے سن جس طراں ہی چیف جسٹس دا طیارہ کراچی ائیر پورٹ تے آیا شہر میدانِ جنگ بن چکا سی اپوزیشن جماعتاں دے بندے جی آیاں نوں کہن نکلے تے کئی تھاواں تے ایس وقت دی حکومتی تے اپوزیشن جماعتاں دے کارکناں وچ لڑائیاں شروع ہو گیاں۔وسیم اختر تے کمال ہوراں پلس نوں ڈکیا ہویاسی۔ اک طرف ایہہ کجھ ہورہیا سی تے دوجی طرف ایس نوں روکن لئی پلس سمیت قنون نافذ کرن والا کوئی ادارہ سامنے نہیں آیا۔ معزول چیف جسٹس ائیر پورٹ توں باہر نہیں نکل سکے تے انہاں نوں شام دی فلائٹ توں واپس جانا پئے گیا۔ سانحہ 12 مئی نوں 10 سال لنگھ گئے نیں، 3دسمبر دی ایمرجنسی وانگ ایہہ مقدمہ وی عدالت تے وکیلاں تے ٹارگٹ ’’حملہ‘‘ سی۔ ایس دے کردار اج وی زندہ نیں۔پلس تے ایجنسیاں دس سکدیاں نے کہ مشرف،مئیر،داخلہ وزیر تے دوجیاں نیں کیہہ کیہہ حکم دتے سن۔جداں اینج دے مقدمیاں دا فیصلہ نہین ہوندا تے مشال خان جیہے وقوعے تیک گل اپڑ جاندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels