Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاک ایران سانگے:ایہہ خبر کس پھیلائی سی؟کون لڑانا چاہندا ہے؟بی بی سی،ایرنی قونصلیٹ کوئٹہ یا ہنر دوست

پاک ایران سانگے:ایہہ خبر کس پھیلائی سی؟کون لڑانا چاہندا ہے؟بی بی سی،ایرنی قونصلیٹ کوئٹہ یا ہنر دوست

May 12th, 2017

ایران نے کلبھوشن تیک رسائیاں بارے کدی مطالبہ نہیں کیتا۔خارجہ سیکٹری تہمینہ جنجوعہ وی ایس خبر دی ہن تردیداں کر دتیاں۔چار دن پہلاں ایہہ خبر بی بی سی اْردو والیاں چھاپی سی جس نال ایہو تاثر گیا سی کہ ایران تے بھارت کلبھوشن بارے اک ہی گل کررہے نیں۔ بی بی سی والیاں اپنے بلارے محمد کاظم دے حوالے نال کوئٹہ وچ موجود ایرانی قونصل جنرل محمد رفیع دی چھ مئی دی پریس کانفرنس وچ کیتی گل بات چھاپی سی۔کوئٹہ وچ کیتی ایہہ پریس وی ریکارڈ دا حصہ ہوئے گی۔ایس وچ قونصل جنرل صاف آکھیا ہے کہ ایران کلبھوشن دے حوالے نال پاکستان نوں پچھیا ہے اتے اساں اوس توں سوال کرنا چاہندے ہاں۔اج چھ دن بعد ایس دی تردیداں آئیاں نیں۔انہاں چھ دناں وچ کسے نے وی تردیداں کیوں نہیں کیتیاں؟ کیہہ ہر کوئی اجہی خبراں نال کھیڈرہیا جے؟بی بی سی دے محمد کاظم غلط رپورٹنگ کیتی ہے؟بی بی سی والیاں غلط خبر چلائی ہے ؟ یا ہن ہنر دوست کراہے پا رہے نیں؟ ایہہ سب سوال اوسویلے ہور چوڑ ہو جاندے نیں جداں پاک ایران سانگے تے سیاست کرن والیاں دے بیان تے خبراں وی چھپدیاں نیں۔پاکستان ولوں ساری سیاسی جماعتاں دا پارلیمانی وفد ایران گیا سی اتے اوس بعدوں3مئی نوں ایرانی خارجہ وزیر پاکستان آئے اتے وزیراعظم سنے وڈے افسراں نال وی ملے سن۔پر چھ مئی توں اج دیہاڑ تیک انہاں دو دوریاں دا تاثر مکا ندے ہوئے پاک ایران ٹینشن نوں وادھا دتا گیا۔چھ مئی نوں ایرانی قونصل جنرل دی پریس کانفرنس وچ کلبھوشن باےء گل بات نوں اٹھ مئی نوں بی بی سی رپورٹ کیتاتے ایسے دن ایرانی آرمی چیف باقری ہوراں دا بیان وی آیا جس پاروں پاک ایران ٹینشن ودھ گئی۔رائیٹر، بی بی سی تے بعد وچ الجزیرہ تے پاکستانی میڈیا وچ ایس بیان نوں چھاپیا گیا۔ ہن ہنر دوست آکھدے نے ایس بیان نوں تور موڑ کے چھاپیا گیا سی۔ایس بیان دا حوالہایران دی سرکاری نیوزایجنسی آئی آر این اے نوں دسیا گیا۔ایہہ سب اک کھیڈ، جس وچ سب رلتی نیں۔ایران اندر صدارتی چوناں وی ہو رہیاں نیں اتے اجہے بیاناں نوں ایران اندر ودامت پسنداں تے اعتدال پسنداں دی لڑائی دا حصہ وی سمجھیا جا سکدا ہے۔عالمی تے قومی پدر تے اجہے حساس مسئلہ تے کراہے پان والی رپورٹنگ نال پتہ چلدا ہے کہ پاکستان تے ایران دے اندر تے باہر اجہی قوتاں تگڑیاں نیں جو پاک ایران سانگے دی ویری نیں۔جے پاکستان دی پارلیمنٹ وچ راحیل شریف دی نویں نوکری تے سعودی اتحاد وچ رلت بارے گھل کے بحثاں ہوئیاں ہوندیاں تاں اجہے جھیڑے زیادہ ودھ نہیں سکدے سن۔ایرانی الیکشن تیک اجہے بیاناں نوں پاکستان وچ زیادہ اہمیتاں دینی نہیں چاہیدی کہ ایہہ ایران دے قدامت پسنداں دی مدد ہی ہو سی۔غلط رپورٹنگ ہوئی یا نہیں، ایس بارے وی کھوج لانی لوڑی دا ہے۔اج لوڑ ایس گل دی ہے کہ پاکستان دی پارلیمنٹ نوں ایران تے افغانستان جان والا پارلیمانی وفد بریفنگ دے۔کابل دے دورے بعد وی ایہہ خبر چلی سی کہ اشرف غنی پاکستان آن توں انکاری ہے۔ایس خبر نوں وی بہوں چکیا گیا سی۔ فیر پاکستانی وفد دے وڈکے سپیکر ایازصادق نوں آکھنا پیا سی کہ اجہی گل تے ہوئی ہی نہیں۔ذرا غور تے کرو، پاک ایران، پاک افغانستان تے پاک بھارت حوالیاں نال ٹینشن ودھان دی خبراں کنج ، کیوں پھیلائی جاندیاں نیں؟ ایس تے کون کون کھیڈ رہیا ہوندا ہے؟ایس سب وچ میڈیا دا کردار وادھو۔
BBC news regarding iranian interest in kulbhuson
http://www.bbc.com/urdu/pakistan-39858249
News of cooperation between Pak and Iran may 3, 2017 which might disturb many nationaland international players in Iran, Pakistan and abroad
http://www.presstv.ir/Detail/2017/05/03/520467/Iran-Pakistan-Zarif-Mirjaveh-attack-Nawaz-Sharif
Statement of Iranian army chief and its timing
https://www.samaa.tv/international/2017/05/iran-warns-will-hit-militant-safe-havens-inside-pakistan/
Wichaar reporting regarding Pak Iran tention May 10th, 2017
http://www.wichaar.com/news/117/ARTICLE/32944/2017-05-10.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels