Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ڈان لیکس بارے اسمبلی وچ بحثاں لئی پی ٹی آئی تحریک التواء جمع کرا دتی۔یو ٹرن تے نہیں آسی؟

ڈان لیکس بارے اسمبلی وچ بحثاں لئی پی ٹی آئی تحریک التواء جمع کرا دتی۔یو ٹرن تے نہیں آسی؟

وچار ڈیسک
May 12th, 2017

پاکستان تحریک انصاف دے تن لیڈراں اسد عمر،منزا حسن تے شفقت محمود ہوراں پی ٹی آئی پارلیمانی پارٹی ولوں قومی اسمبلی وچ اک تحریک التواء جمع کروائی ہے جس وچ کھیا گیا ہے کہ ایوان دی نارمل کاروائی نوں پچھے ہٹا کے اسمبلی نوں ڈان لیکس بارے بحثاں کرنیاں لوڑی دیاں نیں۔ایہہ تحریک التواء 29اپریل نوں کیوں نہیں آئی؟ یا فیر پارٹی اوس ویلے کسی ’’معجزے‘‘ دی اڈیک وچ سی؟پاکستان ٹوڈے تحریک دے متن توں ٹوٹے چھاپے نیں جس وچ لکھیا ہے کہ کیونجے داخلہ وزارت تے کورکمانڈراں ڈان لیکس نوں سیکورٹی نال کھلواڑ آکھیا ہے ایس لئی اسمبلی وچ بحثاں ہونیاں چاہیدیاں نیں۔ پر پارٹی ایس گل دا کیہہ جواب دے گی کہ اوہ اٹھ مہینے اسمبلی وچ ایس بارے گل بات کیوں نہ کیتی۔ کیہہ اوہ سول ملٹری وتھ نوں اپنی عینک نال ہی ویکھ رہے سن؟اتے ایس نال کھیڈ رہے سن؟متن وچ ایہہ وی آکھیا گیا ہے کہ ڈان لیکس دی رپورٹ نوں اسمبلی وچ سامنے لیایا جائے اتے ایس بارے حکومت جواب دے۔سوال تے ایہہ وہ ہے کہ جداں عسکری حلقیاں والوں ٹوائیٹ واپس لین دااعلان ہویا تے جمہوریت نال کمٹمنٹ دی گل آئی ایس پی آر کیتی تاں اوہی لوک جیہڑے کل تیک اڈیک وچ سن اج انہاں نوں اسمبلیاں یاد آگیاں۔اینج جاپدا ہے کوئی ہور گل ہے جیہڑی تنگ کر رہی ہے۔نااہلی کیس وچ نعیم بخاری ہوراں باہر جان دا بہانہ بنا کے ہن 23تریخ تیک دی لمی تریخ لتی ہے۔منی ٹریل اوہ پیش نہیں کرسکے تاں ہن نواں ایشو وی تے کھڑا کرنا لوڑی دا سی۔جداں قومی سلامتی دی پارلیمانی کمیٹی بن گئی ہے تے ایس ماملے نوں اتھے کیوں نہیں لیجایا جاندا؟ ویسے عمران خان تے سعودی اتحاد اتے راحیل شریف دی نویں نوکری بارے وی اسمبلی وچ تحریک لیان دا اعلان کیتا سی اتے انہاں دی لیڈر شیریں مزاری ہوراں تے ایس اتحاد نوں فرقہ واریت وچ وادھے نال جوڑیا سی پر فیر خاں ہوراں یوٹرن لے لتا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels