Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صوفی مشال کیس: 4 ملزم ہور پھڑیچے گئے۔پی ٹی آئی کونسلر مفرور، کیس لمے توں لما کیتا جا رہیا ہے

صوفی مشال کیس: 4 ملزم ہور پھڑیچے گئے۔پی ٹی آئی کونسلر مفرور، کیس لمے توں لما کیتا جا رہیا ہے

وچار ڈیسک
May 11th, 2017

صوفی مشال خان قتل کیس وچ چارہور ملزماں نوں گرفتار کرلتا گیا ہے۔ پلس دے مطابق پھڑیچے ملزماں وچ شہاب علی، صہیب، سعید تے شہزاد رلتی نیں۔ انہاں گرفتاریاں دے بعد مشال قتل کیس وچ گرفتار ملزمان دی تعداد 53 ہوگئی ہے۔قتل وچ تے کجھ بندے ہی ملوث نیں پر اینج جاپدا ہے پئی جڈے زیادہ بندیاں دے ناں رلتی ہون گے کیس اڈا ہی خراب ہو سی۔جے آئی ٹی دی رپورٹ کدوں آنی ہے؟ ایس بارے کوئی خبر نہیں۔ پلس دے مطابق دو ملزمان دی شناخت وڈیو توں ہوئی جداں کہ دوملزماں نوں دوجے ملزماں دی نشاندہی تے گرفتار کیتا گیا۔ پلس دا آکھنا ہے کہ اک ملزم عارف روپوش ہے جداں کہ 49 ملزمان جیل وچ نیں۔ایہہ عارف سوبیدی حکمران جماعت دا کونسلر ہے۔خیبر پی کے دی آزاد پلس حکمران جماعت دے کونسلر نوں کیوں نہیں پھڑ سکی۔ہلے تیک کسے پلس افسر کولوں تفتیشاں کیوں نہیں ہوئیاں؟ ویڈیو وچ پلس والے نظر نہیں آئے۔ سپریم کورٹ دے آپ چکو(سوموٹو) نوٹس پاروں پلس مشال قتل دی رپورٹ 13 مئی نوں جمع کروانی ہے۔ہر پیشی تے پلس عدالت اگے نوں اک نواں ملزم لے آندی ہے۔ عبدالولی خان یونیورسٹی مردان تقریباً اک ماہ بعد وی نہ کھل سکی۔صوبائی سرکار اوس نوں سیکورٹی دین توں گھبراندی ہے؟ یونیورسٹی نوں مشال خان دے قتل پاروں13 اپریل نوں بند کردتا گیاسی۔ یونیورسٹی ذرائع دا آکھنا ہے کہ صوبائی حکومت تے یونیورسٹی ایس حوالے نال کوئی فیصلہ نہیں کر سکے۔ عبدالولی خان یونیورسٹی وچ مڈٹرم امتحانات وی ملتوی کردتے گئے نیں۔ہن عدالت نوں ایس کیس دی لمیاں تریخاں نہیں دینی چاہیدیاں اتے ساریاں فوٹیج وی منگوانیاں چاہیدیاں نیں اتے لوکاں نوں وی ذاتی ویڈیوزگھلن دا آکھنا چاہیدا ہے۔ ایس کیس دا فیصلہ ہونا لوری دا ہے کیونجے مسئلہ ریاست دی رٹ اتے قنون نوں ہتھ وچ لین دا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels