Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ارباں روپے دا 6 کڑوڑ گز (بھارتی کپڑا )کسٹم انٹیلی جنس پھڑیچ لتا۔سمگلنگ ہر سرحد تے ہوندی ہے؟

ارباں روپے دا 6 کڑوڑ گز (بھارتی کپڑا )کسٹم انٹیلی جنس پھڑیچ لتا۔سمگلنگ ہر سرحد تے ہوندی ہے؟

وچار ڈیسک
May 11th, 2017

پاکستان وچ سمگلنگ منع ہے پر سمگلنگ دا مال ویچن والیاں نون کھل ہے اتے کراچی، کوئٹہ، پشور، لہور تے اسلام آباد وچ سرعام سمگنگ دا مال وکدا ہے۔کدی کدی کجھ مال پھڑیچیا وی جاندا ہے پر خبر لگن بعدوں اوہ مال کتھے جاندا ہے ایس دا کوئی پتہ نہیں۔کسٹم والیاں اک کاروائی کیتی ایس دی خبر پڑھو تے جو ایس وچ نہیں لکھیا اوس باے سوچو۔
اسلام آباد: ڈائریکٹریٹ جنرل انٹیلی جنس اینڈ انویسٹی گیشن ایف بی آر (جس نوں عام طور تے کسٹمز انٹیلی جنس دے ناں توں جانیا جاندا ہے) ملک دی مختلف بندر گاواں دے ذریعے بھارتی ساختہ ممنوعہ گریگ سر مئی کپڑے دی سمگلنگ نوں ڈکن دا پربندھ کیتا ہے۔ شوکت علی ڈائریکٹر جنرل کسٹمز انٹیلی جنس دی ہدایت تے ایس دے مختلف ذیلی اداریاں بہوں ساریاں ڈرائی پورٹاں توں درآمد( کلیئر) کیتے جان والے ست کنٹینراں نوں قبضے وچ لے لتا ۔ ایہہ کنٹینرز لہور وچکم کرن والیاں 6 مشہورکمپنیاں منگوائے سن جہناں وچ دستگیر ٹریڈرز ، آئی سی ماسٹر ، مصطفی انٹر پرائزز ، ایس بی ایس گروپ آف کمپنیز ، شہزاد ٹریڈرز تے ورلڈ فیشن ٹیکسٹائل رلتی نیں۔ کسٹمز انٹیلی جنس نے ایس طراں دے گیارہ ہور کنٹینرز این ایل سی ڈرائی پورٹ لہور توں ضبط کیتے نیں۔ دسیا جا رہیا ہے کہ ایس توں پہلاں وی ایہہ گینگ این ایل سی ڈرائی پورٹ تے پریم نگر ڈرائی پورٹ توں بھارتی ساختہ ممنوعہ گریک سرمئی کپڑے دے اٹھاسی کنٹینرز کلیئر کراچکیا ہے تے اینج ایہو جہے کنٹینراں دی گنتری اک سو چھ دسی جاندی ہے۔ کسٹمز انٹیلی جنس دی تفتیشپاروں دسیا جارہیا ہے کہ بھارت دے مختلف شہراں توں ایہہ کپڑا دوبئی وچ قائم شدہ نو تجارتی اداریاں نوں دوبئی درآمد کیتا گیا سی تے اوتھوں پاکستان آندا ہے۔پر جیہڑا مال زمینی رستیاں آندا ہے اوس بارے کیہہ خیال ہے کہ سمگلنگ دا مال پاکستان وچ کھلے عام وکدا ہے اتے وڈے پلازیاں وچ سب دے سامنے ایس نوں رکھیا جاندا ہے۔خیبر پی کے تے بلوچستان توں ایہہ مال وڈے پلازیاں تیک کنج پہنچدا ہے ایہہ سب جاندے نیں۔سمندری رستیاں تے زمینی رستیاں توں ہون والی سمگلنگ وچ کون کون رلتی کہ ایہہ وی سب جاندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels