Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> میڈیا بلیک آوٹ۔نہ کوئی لیکس، نہ انکوئری۔100زخمی، اک موت۔پر خبر نشتہ؟(ویڈیوز)

میڈیا بلیک آوٹ۔نہ کوئی لیکس، نہ انکوئری۔100زخمی، اک موت۔پر خبر نشتہ؟(ویڈیوز)

وچار ڈیسک
May 11th, 2017

اسلام آباد:بحریہ ٹاؤن دی ہاؤسنگ سوسائٹی ’بحریہ انکلیو‘ وچ 28اپریل نوں نجی ٹی وی چینل(اے آر وائے،زندگی) دے پروگرام دی ریکارڈنگ دوران سٹیج ڈگن دا وقوعہ ہویا۔اک فوٹوگرافر دی بیوی زخمی ہون توں بعد مر گئی تے سو توں زیادہ بندے زخمی ہوئے۔جیہڑے دیالو ہرآفت بعد لوکاں دے غم وچ اعلان کریندے نیں اوہ اپنی ہاوسنگ سکیم وچ ہون وال حادثہ تے چپ۔سوشل میڈیا نوں تے پر، کوئی نہیں ڈک سکدا۔
پیش آن والے حادثے دا شکار آفتاب خواجہ دا آکھنا ہے کہ ایس واقعے دے بعد اوتھے انتظامیہ دا کوئی فرد موجود نہیں سی تے بجلی وی بند کردتی گئی سی۔انہاں نوں پتہ سی کہ جے فوٹیج چل گئی تے ہاوسنگ سوسائٹی تے چینل دی سبکی ہو ئے گی۔ بحریہ انکلیو وچ دو ہفتے پہلے نجی ٹی وی چینل دے پروگرام عیدی سب کے لیے دی ریکارڈنگ دوران سٹیج ڈگن دا حادثہ ہو یا سی جس دے نتیجے وچ 100 توں وادھو بندے زخمی ہوئے سن۔جتھے نرا کاک پٹ تے بیٹھن تے اک چینی زنانی بارے کئی کئی گھنٹے میڈیا وچ بریکنگ نیوزاں چلدیاں نیں، گٹراں دے ڈھکن چوریاں تے طوفان کھڑا کیتا جاندا ہے، اوس دا ایس وقوعے نوں پی جانا بن دا سی۔ ’’انقلابی‘‘ اے آر وائے تے اوس دے ’’بااصول‘‘ اینکراں تے چپ ہی رہنا سی ۔پر نال نال پیٹی میڈیا نے وی در وٹ لتا۔کل اک ملازمہ تے تشدد دی خبر سارے چینلاں تے چل رہی سی پر ایہہ تے سو توں وادھو بندیاں دے زخمی ہون تے گھٹ وگھٹ اک زنانی دی موٹ دا وقوعہ سی۔ہاسنگ سکیم والے اشتہار بہوں دیندے نیں؟ جنج طیبہ تشدد کیس تے عدالتاں در وٹیا ہویا ہے کیونجے ملزم اک جج یا انہاں دا خاندان ہے اینج ہی ایس خبر نوں بغیر ڈکار مارے ہضم کرن دا ماملہ ہے۔
پلس عہدیدار نے ناں ظاہر نہ کرن دی شرط تے ڈان نیوز نوں دسیا کہ حادثے دے زخمیاں نوں پولی کلینک تے پمز ہسپتال منتقل کیتا گیا۔ ڈان نیوز دے پروگرام ذرا ہٹ دے وچ گل کردے ہوئے حادثے توں متاثر ہون والے آفتاب خواجہ نے آکھیا کہ اسٹیج ڈگن توں میرا پوتا تے پوتی زخمی ہوئے جس دے بعد اسی انہاں نوں ہسپتال لے گئے ۔واقعے دے رونما ہون دے بعد اسی چینل دی انتظامیہ نوں فون کیتا پر انہاں فون نہیں چکیا تے نہ ہی انہاں ولوں کسی متاثرہ شخص دی کوئی مدد کیتی گئی۔ آفتاب خواجہ دا آکھنا سی میڈیا ولوں ایس خبر نوں سامنے نہیں آن دتا گیا جو شرمناک گل ہے۔الشفاء ہسپتال والیاں ولوں زخمی افراد توں مرہم پٹی دے وی ہزاراں روپے وصول کیتے گئے۔۔۔میں صرف ایہہ جاندا ہاں کہ ایہہ اے آر وائی دا پروگرام سی تے انہاں ولوں انتہائی ناقص سیٹ لایا گیا سی۔ویڈیو لنک وی دے رہے ہاں تے خبراں دے لنک وی کہ تساں جان لو کہ جے اک وڈی رقماں خرچن والا تے میڈیا والے مل جان تے اوہ کس قسم دی ات چک سکدے نیں اتے ریاست انہاں اگے بے بس۔
Watch Videos and comprehensive courage at
https://www.mangobaaz.com/horrific-tv-show-incident-that-no-ones-talking-about/
Another link of news
Most of the management staff escaped the site the moment the stalls collapsed. They even turned off the lights; making it even harder for the wounded guests to assist each other. They even took the gifts they were supposed to distribute to the audience
http://nation.com.pk/blogs/02-May-2017/i-m-the-human-you-left-behind-in-the-wreckage-at-bahria-enclave


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels