Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کلبھوشن :بھارت عالمی عدالتِ انصاف وچ۔تھرڈ پارٹی مداخلت من ہی لتی۔ایرن وی رسائی منگی

کلبھوشن :بھارت عالمی عدالتِ انصاف وچ۔تھرڈ پارٹی مداخلت من ہی لتی۔ایرن وی رسائی منگی

وچار ڈیسک
May 10th, 2017

بھارتی بحریہ دے سابق افسر کلبھوشن یادو نوں پاکستان وچ فوجی عدالت وچ پھانسی دی سزا سنائے جان دے معاملے پاروں بھارت عالمی عدالت ٹر گیا۔کشمیر دے مسئلہ تے چین، امریکہ تے ترکی نوں بھارت ایہہ آکھدا ہے کہ اساں تھرڈ پارٹی دی مداخلتاں دے خلاف ہاں پر کلبھوشن واری یو ٹرن لے لتا۔ ہیگ وچ واقع عالمی عدالت نے ایس معاملے وچ پاکستان نوں آکھیا ہے کہ کلبھوشن سدھیر یادو ہوراں نوں سارے ممکنہ رستیاں تے غور توں پہلے پھانسی نہ دتی جائے۔ پاکستان دی فوجی عدالت نے یادو نوں جاسوسی اتے ات گرد سرگرمیاں وچ ملوث ہون دے معاملے وچ پھانسی دی سزا سنائی سی۔ ادھر انڈین خبر رساں ایجنسی پی ٹی آئی مطابق ہیگ واقع عدالت نے ایس معاملے وچ سٹے دے دتا ہے۔ بین لاقوامی عدالت ولوں ایس دی تصدیقاں نہیں ہوسکیاں۔بی بی سی والیاں وی لکھیا ہے کہ ہیگ تیپاکستان ولوں ایس دی تصدیق نہیں ہوسکی تے نہ ہی پاکستان ولوں اجے تک ایس تے کوئی ردعمل آیا ہے۔ بھارتی وزیر خارجہ سشما سوراج نے ٹوئٹ دے ذریعے آکھیا ہے کہ انہاں نے عدالتِ انصاف دے صدر دے آرڈر دے بارے وچ یادو دی ماں نوں اطلاع کردتی ہے۔ کلبھوشن یادو ہن وی پاکستان دی جیل وچ بند ہے۔ بھارت نے عالمی عدالت توں اپیل کیتی ہے کہ یادو دی پھانسی دتے جان خلاف اپیل کرن دے لئی بہت گھٹ وقت ہے تاں مارے پھانسی روکی جائے۔ بھارت نے 15 توں زیادہ بار کلبھوشن یادو نوں قنونی مدد دین لئی کونسلر رسائی دا مطالبہ کیتا ہے پر پاکستان نے ہن تک ایس دی منظوری نہیں دتی سی۔ یادو دی ماں نے پاکستان حکومت توں ایس معاملے وچ مداخلت کرن دی اپیل کیتی سی۔ ایس دے نال ہی انہاں نے اپنے پُتر نال ملن دی خواہش ظاہر کیتی سی۔ سوراج نے اک ٹوئٹ وچ ایہہ وی آکھیا کہ سینئر وکیل ہریش سالوے عدالت وچ بھارت دی نمائندگی کررہے نیں۔ بھارت نے بین الاقوامی عدالت نوں اپنی اپیل وچ آکھیا کلبھوشن یادو نوں پاکستان نے ایران توں اغوا کرلتا سی جتھے اوہ بھارتی بحریہ توں ریٹائر ہون دے بعد تجارت کررہے سن۔ پاکستان پچھلے سال تِن مارچ نوں بلوچستان توں انہاں دی گرفتاری ظاہر کیتی تے ایس دے بارے بھارت نوں 25 مارچ 2016دسیا گیا سی۔ عالمی عدالت وچ بھارت نے اپیل کیتی ہے کہ فوجی عدالت نے جو سزا سنائی ہے ایس تے پاکستان عمل نہ کرے تے فوجی عدالت دے فیصلے نوں منسوخ کرن لئی ہاکستان دے قنون دے مطابق قدم چکے۔سب نوں یاد ہے کہ اجمل (قصاب) دے ناں توں اک بندہ پھڑ کے بھارت اوس نوں پاکستانی آکھیا سی تے پھانسی دے چھڈی سی اتے جداں پاکستان اوس نال تفتیش کرنا سییا کونسلر رسائی منگی سی تے بھارت انکاری ہو گیا سی۔مچھیریاں، سرحدی تھاواں تے مجھاں، بکریاں چران والیاں توں کاروبار کرن والیاں تیک کوئی پتہ نہیں چلدا، کس نوں جسوس آکھ دتا جائے تے کون پکا جسوس ہے۔ایہہ سب بھارت پاکستان دی لڑائیاں دا گند ہے کہ ہن اپنے میلے کپڑے لے کے اساں ہیگ عدالت اگے حاضر۔آپ گل بات نہیں کرنی پر باہرلیاں اگے پیش ہونا ہے۔ہن تے ایران نے وی کلبھوشن تیک رسائی منگ لتی ہے۔سعودی اتحاد وچ جان توں بعدوں ایران پاکستان سانگے وچ فرق آیا ہے۔ایرانی الیکشن پاروں ایہہ پاڑ کجھ زیادہ ہو گیا ہ جیہڑے19مئی نوں ہونے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels