Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پارلیمانی کمیٹی برائے قومی سلامتی دا پہلا اجلاس کل ۔سب اک صفحہ تے

پارلیمانی کمیٹی برائے قومی سلامتی دا پہلا اجلاس کل ۔سب اک صفحہ تے

وچار ڈیسک
May 10th, 2017

اسلام آبا:د پارلیمانی کمیٹی برائے قومی سلامتی دا پہلا اجلاس کل طلب کرلتا گیا ہے۔مسئلے تے دنیا دے کیہڑے ملک وچ نہیں ہوندے کہ اج ہی ٹرمپ نے امریکی خفیہ ادارے ایف بی آئی دے چیف نوں فارغ کیتا ہے۔پر جے مسلیاں نوں ڈرائنگ روماں دی تھاں متھے گئے فورماں تے حل کیتا جائے تاں زیادہ رولے نہیں پیندے اتے نہ ہی میڈیا اوس نوں وگاڑ سکدا ہے۔پر فوجی ڈکٹیٹراں کوئی ادارہ رہن نہیں دتا ۔پچھلے اٹھ سالاں توں جمہوری بندوبست جاری ہے جیہڑا سب دے اک صفحے تے ہون دا تاثر دیندا ہے اتے ایس نوں تگڑا کرن لئی قومی سلامتی کمیٹی دا کم کرنا اک اہمیتاں والی گل ہے۔ورنہ مشال خان توں ڈان لیکس تیک ریاست دے ٹٹن دا تاثر ہر تھاں جاندا ہے جس دا کسے نوں وی فیدہ نہیں۔ اجلاس دی صدارت سپیکر قومی اسمبلی سردار ایاز صادق کرن گے۔ پہلے باضابطہ اجلاس وچ کمیٹی پاک بھارت تے پاک افغان کشیدگی تے سول و عسکری اداریاں دے درمیان سانگے تے غور کرے گی۔ ذمہ وار ذرائع نے دسیا کہ 33 ارکان تے مشتمل پارلیمانی کمیٹی برائے قومی سلامتی دا پہلا اجلاس جمعرات نوں طلب کرلتا ہے تے کمیٹی دے سارے ممبراں نوں اطلاع کردتی گئی ہے۔ ذرائع دے مطابق اجلاس وچ پاک افغان کشیدگی حکومت و عسکری اداریاں دے تعلقات کار، مشرقی سرحد دی صورتحال سمیت داخلی سلامتی دے امور دا جائزہ لیتا جائے گا۔ اداریاں دے ٹوئٹ دے نتیجے وچ پیدا ہون والی صورتحال تے وی غور متوقع ہے۔جے ایہہ کمیٹی اپنا کم شروع کر دتا تے پاکستان دو قدم اگے ودھ جا سی اتے اداریاں دے ٹکران دا تاثر وی گھٹ ہو سی۔ ایس وچ اپوزیشن تے میڈیاسنے تمام اداریاں دا کرداربہوں اہم جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels