Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پارٹی وچ جمہوریت: رکن کور کمیٹی وی بول نہیں سکدا۔ علی اصغرنوں شو کاز نوٹس ، ثبوت دیو، میڈیا وچ نہیں جانا

پارٹی وچ جمہوریت: رکن کور کمیٹی وی بول نہیں سکدا۔ علی اصغرنوں شو کاز نوٹس ، ثبوت دیو، میڈیا وچ نہیں جانا

وچار ڈیسک
May 10th, 2017

جے الزام نواز شریف تے لاؤ تے آکھو ساڈا کم ثبوت دینا نہیں۔ جے الزام پی ٹی آئی کور کمیٹی دا رکن پارٹی تے قابض ٹولا تے لائے تے اوس نوں شو کاز دیو تے آکھو ثبوت دیو ورنہ تہاڈے خلاف کاروائیاں ہون گیاں۔علی اصغر نوں جاری شو کاز وچ لکھیا ہے کہ تسی میڈیا وچ نہیں جاو گے۔علی اصغر ہوری ائیر مارشل اصغر خان دے پتر نیں اتے پی ٹی آئی دے کور کمیٹی دے ممبر نیں۔گل ایتھے مکدی نہیں سگوں پی ٹی آئی دے لیڈر عبدالکریم کندی دا بیان پاکستان ٹوڈے وچ چھاپیا گیا ہے جس وچ انہاں علی اصغر دی گلاں نوں درست آکھیا ہے۔علی اصغر جو اپنی پارٹی بارے آکھیا تسی اوہ پڑھو۔
پی ٹی آئی دی کور کمیٹی دے رکن علی اصغر نے آکھیا ہے کہ پی ٹی آئی دے کجھ لوگ سٹیٹس کوء دا حصہ بن گئے نیں۔خیبر پختونخوا وچ کجھ بہتری ضرور آئی ہے پر تحریک انصاف توں توقعات بہت زیادہ سن۔ سانوں ایہو غم ہے پئی پارٹی وچ اوریجنل لوکاں دے بجائے باہر لے لوک چھاء گئے نیں ۔ساڈی کوشش ہے کہ کارکن مل کے پارٹی دے اندر آواز چکن۔ جیہڑے لوک پارٹی نوں تباہ کررہے نیں اسی ہر طریقے نال انہاں دا رستہ ڈکاں گے۔ انہاں جیو نیوز دے پروگرام نیا پاکستان وچ گفتگوکیتی۔ پی ٹی آئی کور کمیٹی دے رکن تے سابق ایئر چیف تے سینئر سیاستدان اصغر خان دے پترعلی اصغر نے پروگرام وچ گفتگو کردے ہوئے آکھیا کہ تحریک انصاف ایس ملک وچ حقیقی تبدیلی لیا سکدی سی۔ تحریک انصاف وچ اپنی پارٹی تحریک استقلال ضم کرن یچھے نظریہ تے سمت سی جو عمران خان دی قیادت نے دتی سی۔ اسی جس سٹیٹس کوء دا مقابلہ کرن نکلے سی ساڈے اپنے کجھ لوک ایس دا حصہ بن گئے نیں۔ پی ٹی آئی دے کارکناں ولوں وی شکایات آرہیاں نیں۔ میں ڈسٹرکٹ ایبٹ آباد دی گل کیتی سی پر دوجی تھاواں تے وی کارکناں دی شکایاتاں نیں۔ انہاں نے آکھیا کہ مالی کرپشن دیح حوالے نال ذمہ واری پوری نہ کرنا وی کرپشن دی شکل ہے ۔صوبے وچ ٹرانسفرپو سٹنگاں تے یونیورسٹیاں وچ پسند نا پسند دی بنیاد تے تعیناتیاں ہو رہیاں نیں۔ پارٹی دے رکن ہون دی حیثیت نال انہاں چیزاں دا سامنے لیانا میرا فرض ہے۔ ساڈا صرف ایس لئی خموش رہنا قوم نال زیادتی ہوسی کہ ایہہ ساڈی پارٹی دے لوک نیں۔ مشتاق غنی ورگے لوک پارٹی تے تسلط جمان دی کوشش کررہے نیں۔ اسی چاہندے ہاں کہ پارٹی ایسے لوکاں نوں بے نقاب کرے ۔ایہہ اوہ لوک نیں جو ہر پارٹی وچ آندے جاندے رہندے نیں۔ ایہہ لوک عمران خان دے ویژن تے عملدر آمد کرن دی بجائے اپنے فیدے حاصل کرن دی کوشش وچ لگے ہوئے نیں ۔ساڈی کوشش ہے کہ کارکن مل کے پارٹی دے اندر آواز چکن۔ جیہڑے لوک پارٹی نوں تباہ کررہے نیں اسی ہر طریقے نال انہاں دا رارستہ روکاں گے۔ اگلے الیکشن وچ پارٹی نے دوبارہ ایہہ غلطی کیتی تے بہت وڈی غلطی ثابت ہوئے گی۔
 News of Show Cause notice issued by PTI against Ali Asghar
https://www.pakistantoday.com.pk/2017/05/09/fissures-in-pti-ranks-as-ali-asghar-issued-notice/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels