Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایرانی صدارتی چوناں: سعودی عرب تے پاکستان نال ٹینشن تے ایرانی قدامت پسند راضی

ایرانی صدارتی چوناں: سعودی عرب تے پاکستان نال ٹینشن تے ایرانی قدامت پسند راضی

May 9th, 2017

اج کل ایرانی نویں صدر لئی ووٹ پان دی تیاریاں وچ نیں کہ اعتدال پسنداں دا آکھنا ہے کہ اساں ایران نوں عالمی تنہائیاں توں کڈھ رہے ہاں جداں کہ ایران وچ صدر حسن روحانی دے مخالفاں دا نشانہ یورپ تے امریکہ نال کیتا معاہدہ ہے۔مئی دی 19تریخ نوں ہون والیاں چوناں وچ سپریم لیڈر وی ہشیار پالیسی پاروں قدامت پسنداں دی حمائیتاں دا محول بنا رہے نیں۔ انہاں روحانی سرکار دے یونیسکو نال کیتے حالیہ معاہدے تے تنقید کردے ہوئے اوہی گلاں کیتیاں جو بنیاد پرستاں دے بیانیے نوں سپورٹ کر دیاں نیں۔تہران نیوز ست مئی نوں انہاں دی تقریر رپورٹ کیتی جس وچ آکھیا کہ اساں مغرب دے گھٹیا لائف سٹائل نوں ایتھے وڑن نہیں دواں گے۔انہاں یونیسکو نال کیتے معاہدے خلاف سرعام تنقیداں کیتیاں جس نوں روحانی سرکار اپنا وڈا کارنامہ آکھدی ہے۔ایران دے سابقہ صدر نوں تاں مارے صدارتی چوناں توں باہر رکھیا, کیونجے چوناں وچ قدامت پرستاں دے ووٹ ونڈے نہ جان۔پاکستان دے اعلی سفارتی دورے پاروں پاک ایران ٹینشن مکن ول گل ودھ رہی سی پر کجھ طاقتاں ایس ٹینشن نوں وکھرے وکھرے ٹیچیاں پاروں ودھانا چاہندے نیں۔ایرانی خارجہ وزیر دے دورے بعدوں ایرانی آرمی چیف دا بیان روحانی سرکار تے پریشر بن گیا ہے۔ایس محول وچ سعودی پرنس محمد بن سلمان دے ایران مخالف بیان نے ٹینشن ہور ودھا دتی ہے اتے ایرانی دفاعی وزیر اوس دا ’’جنگی‘‘ لہجے وچ جواب دتا ہے۔فرانس وچ نسل پرستاں دی شکست نال اعتدال پسند ایرانیاں نوں تگڑے ہون دا موقعہ ملیا اتے کویت دے ڈپٹی خارجہ وزیر وی ایران تے سعودی عرب وچ ٹینشن مکاون لئی کردار ادا کرن دا آکھیا۔ایس موقعہ تے امریکی صدر ٹرمپ دے سعودی عرب دے دورے تے وی بہوں سیاست کھیڈی جارہی ہے۔ہن آکھیا جارہیا ہے کہ پاکستانی وزیراعظم نوں ٹرمپ دے دورے تے سعودی عرب آن دی دعوتاں سعودی عرب دے انفارمیشن وزیر نے اسلام آباد آکے دتی ہے۔پاکستانی میڈیا وچ وی خبراں ایسے ترتیب نال لگ رہیاں نیں جس وچ ٹینشن وادھو نظر آئے۔ کویتی ڈپٹی خارجہ وزیر دا بیان نہ تے ساڈے میڈیا تیک اپڑیا اتے نہ ہی بی بی سی والیاں اوس نوں لفٹ کروائی۔ٹینشن ودھان دی خبراں وادھو کیوں؟ ایس ٹینشن نوں عرب و عجم دی پرانی لڑائی نال جوڑنا اج دی وطنی ریاستاں دی حقیقت توں انکار۔پاکستان دی تنوں سیاسی جماعتاں دے وفد دے دورہ ایران دا ذکر گول۔پاک افغان تے ایران تکونی سرحدی تھاں تے ہون والی سمگلنگ وچ کون کون ملوث ہے اتے ایہہ ٹینشن انہاں سارے گروپاں نوں وی وارا کھاندی ہے جیہڑے ایس تکونی تھاں تے ہون والی سمگلنگ وچ وڈے حصہ دار نیں۔ایران دے اندر دی لڑائی نوں ایس تجزئیے توں باہر رکھنا اک وڈا گھاٹا۔کجھ طاقتاں ایران وچ قدامت پسنداں دی حکومت کیوں چاہندے نیں؟ ایران دے اندر ایس دا ہور مطلب تے ایران دے باہر ایس دا ہور ٹیچا۔یورپی ملکاں ایرانی معاہدے توں نکلن دے ٹرمپ دے بیاناں تے آکھیا کہ ایس وچوں نہیں نکلاں گے۔کیہہ ایران وچ قدامت پسنداں دی حکومت پاروں امریکہ دا ایران معاہدے توں نکلن دا رستہ بن جاسی؟ ایرانی قدامت پسنداں نوں ایہہ محول چنگا ضرور لگدا ہے پر ایران لئی ایہہ اک اوکھا موڑ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels