Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بی بی سی دا پانامہ نال عشق

بی بی سی دا پانامہ نال عشق

وچار ڈیسک
May 9th, 2017

پچھلے سالاں وچ شاہد ہی کوئی خبر ایڈے لمیرے چر لئی بی بی سی اُردو دے مین صفحہ تے رہی ہوئے۔ ہورے 22 اگست والی تقریر توں پہلاں ایم کیو ایم خلاف اک اجیہا گوشہ چلدا رہیا سی۔ پر پانامہ دی خبر بارے بی بی سی دے خصوصی ضیمہ دی خبر اک نکے جہے وقفے توں اڈ اج وی پہلے صفحہ تے ہے۔ پانامہ فیصلہ آون توں کجھ دیر پہلاں ہورے اوہ مایوس ہوگئے سن تے کجھ دناں لئی ایہہ گوشہ ہٹا دتا گیا سی۔پر فیصلے دے اعلان توں بعد ایہہ مڑ اوسے تھاں لادتا گیا۔ حیران نہ ہونا پانامہ دی 40 فیصدی آف شور کمپنیاں 58 مربع میل وچ پھیلے برٹش ورجن آئیس لینڈ وچ نیں۔ ایہہ 15 جزیریاں دی تھاں امریکہ دے نیڑے تے برطانیہ توں بہوں دور جے اتے ایس 28 ہزار لوکاں دے جزیریاں وچ ٹیکس بچاون لئی بے شمار آف شور کمپنیاں’’ٹیکس چوری دی جنتاں‘‘ کم کررہیاں نیں جس وچ برٹش سرکار وی پیش پیش ہے۔ پر بی بی سی کدی ایس ٹیکس چوری بارے کوئی سٹوری تے نہیں چھاپی اتے نہ بی بی سی کدی ایہہ دسیا ہے کہ جہناں لوکاں دی دولت برٹش تھاواں وچ ہے انہاں دا لندن سرکار نال کیہ رشتہ ہے۔ یورپی یونین دی 2013دی رپورٹ وچ لکھیا ہے پئی آف شور جنتاں پاروں نرے یورپ وچ ستر ارب ڈالر دی ’’ٹیکس چوریاں‘‘ہر سال ہوندیاں نیں ۔ اینج جاپدا ہے کہ اوہ وی پانامہ دے مسئلہ نوں نرا عمران خان تے نواز شریف تیک ہی رکھنا چاہندے نیں، پر کیوں، ایہہ پچھن دی لوڑ نہیں۔ ہن اک جے آئی ٹی ایس بارے کم کررہی ہے تے فیصلے دی خبر بڑی پچھے رہ گئی ہے پر بی بی سی ایس مسئلہ نوں تازہ ہی رکھنا چاہندی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels