Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بنی گالہ منی ٹریل: سپریم کورٹ دا عمران خان نوں نوٹس

بنی گالہ منی ٹریل: سپریم کورٹ دا عمران خان نوں نوٹس

وچار ڈیسک
May 9th, 2017

بنی گالہ منی ٹریل دے معاملے تے سپریم کورٹ نے عمران خان نوں نوٹس جاری کردتا جس وچ جواب طلب کیتا گیا ہے کہ بنی گالہ دی جائیداد دی خریدو فروخت لئی رقم کتھوں آئی؟ عمران خان نوں نوٹس ن لیگ دے رہنما حنیف عباسی دی درخاست تے جاری کیتا گیا ہے۔ متفرق درخاست وچ موقف اختیار کیتا گیا ہے کہ اثاثے لُکا کے عمران خان نے قنون دی خلاف ورزی کیتی۔ فلیٹ 2003 وچ فروخت کرن دے باوجود 2015 تک آف شور کمپنی رکھن دا مطلب کمپنی دے دوجے اثاثے وی ہوسکدے نیں۔ حنیف عباسی دے وکیل اکرم شیخ دی دلیلاں سنن بعدوں چیف جسٹس نے ریمارکس دتے کہ مفرضیاں تے کسی رکن اسمبلی نوں نااہل نہیں کرسکدے ۔وڈی عدالت آکھیا کہ عمران خان توں حلف نامہ لے سکدے ہاں کہ کمپنی دا فلیٹ دے علاوہ کوئی اثاثہ نہیں سی۔ پانامہ کیس وچ ٹپ ٹپ ’’حملے‘‘ کرن والے پی ٹی آئی دے اینکر گھٹ رہنما فواد چوہدری دا آکھنا سی کہ عمران خان نے بیرون ملک پیسے کمائے تے اپنے ملک لے کے آئے ۔مطلب کہ جے ٹیکس ’’چوری‘‘ کت کے رقم پاکستان لیاؤ تے اوہ ’’پاک‘‘ ہو جاندی ہے؟فواد ہوراں تے ایس مقدمے نوں اک فضول کیس آکھدے ہوئے آکھیا کہ عمران خان تے سخت سنجیدہ الزام لائے جا رہے نیں۔ انہاں دا ایہہ وی آکھنا سی کہ اوور سیز پاکستانی پی ٹی آئی نوں فنڈ دیندے نیں جس نوں فارن فنڈنگ آکھیا جارہیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels