Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> شمالی کورین سفارتکار تے تشدد: میڈیا خبر پی گیا

شمالی کورین سفارتکار تے تشدد: میڈیا خبر پی گیا

وچار ڈیسک
May 7th, 2017

کراچی: اک دن خبر چلی فیر ہن ایس بارے کجھ پتہ نہیں۔میڈیا رپورٹ وچ وقوعہ دی تریخ اپریل دی 9تریخ ہے جداں کہ پلس رپورٹ27تریخ نوں رجسٹرڈ ہوئی۔ہن ایس نوں وی دن لنگھ گئے پر کوئی خبر نہیں۔سندھ ایکسائز اینڈ ٹیکسیشن ڈپارٹمنٹ نے شمالی کوریا دے اک سفارت کار ولوں خود تے ہون والے تشدد دی شکایت دی انکوائری لئی 4 رکنی کمیٹی تشکیل دے دتی۔
اسلام آباد وچ واقع سفارت خانے وچ تعنیات مذکورہ سفارت کار نے ٹیکس حکام تے خود تے نالے اپنی اہلیہ تے مبینہ تشدد دا الزام عائد کیتا سی۔ ایکسائز اینڈ ٹیکسیشن ڈپارٹمنٹ دے ڈائریکٹر جنرل شعیب احمد صدیقی نے آکھیا کہ 4 رکنی کمیٹی ایس معاملے دی انکوائری کرن بعد 15 دن وچ انہاں نوں رپورٹ جمع کرائی جائے گی۔ ٹیم دی سربراہی ڈائریکٹر ایکسائز محمد عامر جمیل کرن گے۔ ٹیم وچ ڈپٹی ڈائریکٹر ریاض حسن کھوسہ تے کریم داد عباسی سمیت ایکسائز اینڈ ٹیکسیشن افسر کلیم اللہ وسان وی ایس وچ شامل ہون گے۔ انہاں دا آکھنا سی کہ ایہہ اک بہت سنجیدہ معاملہ ہے تے اسی اصل گل دی تہہ تک جاون وچ کوئی کسر نہیں چھڈاں گے۔ انکوائری کمیٹی نوں 15 دن دے اندر اپنا کم مکمل کرن نوں آکھیا گیا ہے۔ واضع رہے کہ شمالی کوریا دے سفارت کار نے اپنی شکایت وچ اکھیا سی کہ ایکسائز اینڈ ٹیکسیشن ڈپارٹمنٹ دے تقریباً 10 مسلح افراد 9 اپریل نوں کراچی وچ واقع انہاں دے گھر وچ داخل ہوئے تے انہاں تے نالے انہاں دی اہلیہ تے حملہ کیتا۔ مزید آکھیا کہ مذکورہ افراد نے سفارت کار دی اہلیہ نوں والاں توں گھسیٹیا تے انہاں دے منہ نوں دیوار تے دے ماریا گیا اتے انہاں تے اسلحہ وی تانیا گیا۔ 27 اپریل نوں لکھی گئی درخاست وچ دعویٰ کیتا گیا سی کہ سارے واقعہ مذکورہ مکان وچ موجود اک کلوز سرکٹ کیمرے وچ ریکارڈ ہویا ہے۔ اس حوالے نال شعیب صدیقی دا آکھنا سی کہ سی سی ٹی وی فلم دی جانچ کیتی جارہی ہے تاکہ انہاں افراداں دی شناخت ہوسکے جس پاروں انکوائری وچ آسانی ہوئے گی۔
Link of the news
https://www.geo.tv/latest/140501-Korean-ambassador-wife-allegedly-tortured-by-Excise-staff-in-Karachi


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels