Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> وکیلاں دی کانفرنس : وزیراعظم دے استعفے دا مطالبہ مسترد۔ ایتھوں وی فارغ، ہائے اوہ ربّا

وکیلاں دی کانفرنس : وزیراعظم دے استعفے دا مطالبہ مسترد۔ ایتھوں وی فارغ، ہائے اوہ ربّا

وچار ڈیسک
May 6th, 2017

سپریم کورٹ ولوں پانامہ پیپر کیس وچ وزیراعظم تے انہاں دے خاندان خلاف کھوچ لئی بنائی جوائنٹ انویسٹی گیشن ٹیم (جے آئی ٹی) دے آزادانہ کم دی خاطروکیلاں دی کجھ تنظیماں دا وزیراعظم توں استعفے دا مطالبہ وکیلاں دی کانفرنس وچ فارغ کردتا گیا۔
پاکستان بار کونسل دے وائس چیئرمین احسن بھون نے اعلامیے دی منظوری توں پہلے اپنے استعفے دی پیشکش کیتی۔ اوہ ذاتی طور تے وزیراعظم دے مستعفی ہون دے حق وچ سن ۔اکثریت نے انہاں دی رائے نوں مسترد کردتا سی۔ احسن بھون دا اسلام آباد دے مقامی ہوٹل وچ کانفرنس دی صدارت کردے ہوئے آکھیا کہ میں بارنوں کھلرن دی تھاں اکٹھاکرنا چاہندا ہاں۔وکیلاں دی لہر ویلے ایہہ تے انہاں دے دوجے ساتھی اوس لہر خلاف سن پر اج اوہی استعفی دی گل کر رہے نیں۔ انہاں دا مزید آکھناسی کہ انہاں نوں اخلاقی طور تے مستعفی ہوجانا چاہیدا ہے پر نال ہی انہاں نے وضاحت کیتی کہ پی سی بی دا کسی سیاسی جماعت نال تعلق نہیں ہے۔ وکیلاں دا ایہہ اکتھ، پانامہ پیپر کیس دے فیصلے دے بعد پیدا ہون والی سیاسی صورت حال نوں سامنے رکھدے ہوئے چند بار ایسوسی ایشناں دے رہنماواں ولوں وزیراعظم نواز شریف دے استعفے لئی دباؤ ودھان دی خاطر تحریک چلان دے مطالبے دی پیش نظر بلائی گئی سی۔ایس کانفرنس وچ ملک بھر توں بار رہنماواں رلت کیتی تے سانجھااعلامیہ جاری کیتا۔ سپریم کورٹ بار ایسوسی ایشن دے صدر رشید اے رضوی تے سیکریٹری آفتاب احمد باجوہ ایس کانفرنس وچ شریک نہیں سن۔ انہاں نے 20 مئی نوں اپنا کنونشن طلب کر رکھیا ہے۔ ایس موقع تے ملک بھر دی بار ایسوسی ایشنز دے 84 نمائندگان تے ایسوسی ایٹس نے اپنے خیالات دا اظہار کیتا۔ کانفرنس وچ 24 وکلاء نے وزیراعظم توں فوری مستعفی ہون دا مطالبہ کیتا تے 48 وکیل لیڈراں آکھیا کہ جے آئی ٹی دی تحقیقات دا انتظار کرنا چاہیدا ہے، ایس توں پہلاں کوئی احتجاج کرنا غیر دانشمندانہ فیصلہ ہوئے گا تے ایس توں جمہوری نظام نوں وی نقصان پہنچے گا۔ کانفرنس وچ شریک 12 وکلاء نے کوئی رائے نہیں دتی تے آکھیا کہ پی بی سی دا جو وی فیصلہ ہوئے گا ایس دی حمایت کراں گے۔ کانفرنس دے دوران فیصلہ کیتا گیا کہ پی بی سی دے وکیلاں دی اک مشاورتی باڈی تشکیل دتی جائے گی جیہڑی سپریم کورٹ دے بنچ دی سماعت تے نظر رکھے گی۔ اعلامیے وچ آکھیا گیا کہ وکلاء برادری آئین دے مطابق جمہوری اداریاں تے بھرپور اعتقاد رکھدی ہے تے وکیلاں ہمیش جمہوریت لئی لڑے نیں۔ اعلامیے وچ پاناما پیپر دے فیصلے نوں سراہندے ہوئے آکھیا کہ تنقید دے باوجود چند حلقیاں ولوں کرپشن تے کرپٹ سرگرمیاں دے خاتمے لئی قنونی ماملات دی حمایت بہتری ول اک قدم ہے۔ انہاں دا آکھنا سی کہ ساڈا مننا ہے کہ احتساب دا عمل بلا تفریق سیاسی جماعتاں سنے تمام اداریاں لئیہونا چاہیدا ہے ۔ وکیل غیر آئینی مداخلت نوں روکن تے وی بھرپور یقین رکھدے نیں۔ کنونشن وچ سپریم کورٹ دے پنج رکنی بنچ دے تِن ججاں دے فیصلے دے نال نال دو ججاں دے اختلافی نقطہ نظر نوں وی سراہیا گیا۔ کنونشن وچ مطالبہ کیتا گیا کہ سپریم کورٹ دا بنچ شفاف تحقیقات تے ثبوت نوں جمع کرن نوں یقینی بنان لئی جے آئی ٹی دیممبراں دی سنداں چیک کرے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels