Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ’توہین مذہب‘ اک ہور وقوعہ: لوکاں قنون ہتھ وچ لے لتا، تھانے تے حملہ، 13 سالہ قدرت اللہ ماریا گیا۔ریاست دی رٹ؟

’توہین مذہب‘ اک ہور وقوعہ: لوکاں قنون ہتھ وچ لے لتا، تھانے تے حملہ، 13 سالہ قدرت اللہ ماریا گیا۔ریاست دی رٹ؟

وچار ڈیسک
May 6th, 2017

بلوچستان دے ضلعے لسبیلہ وچ صنعتی شہر حب دے اک ہندو شخص تے توہین مذہب دے الزام دے بعد شہر وچ مظاہریاں پاروں جمعے نوں ہندو برادری نوں اپنی دکاناں تے کاروبار بند رکھن دتا اتے سیکورٹی سخت کردتی ہے۔ ایس توں پہلاں مقامی پلس دسیا کہ جمعرات نوں ہندو برادری نال تعلق رکھن والے توہین مذہب دے ملزم مقامی تاجر پرکاش کمار خلاف کڈھے جان والے جلوس نے تھانے تے حملہ کرکے ایس نوں اگ لان دی کوشش کیتی ۔ ایس دوران مسلح افراد ولوں فائرنگ نال اک بچہ وی مرگیا ۔ جلوس دے شرکا پلس توں ایس ملزم نوں انہاں دے حوالے کرن دا مطالبہ کررہے سن جس نوں پلس نے بدھ نوں اک شہری دی شکایت تے گرفتار کیتا سی۔ مقامی ایس پی ضیا مندوخیل نے بی بی سی نوں دسیا کہ دو روز پہلے ملزم دے نال کسی ہور نے توہین مذہب والی فوٹو شیئر کیتی سی جیہڑی اگے ایس نے ایسے گروپ نال شیئر کیتی جس دے رکن دی درخاست تے ایس دے خلاف توہین مذہب تے اشتعال انگیزی دے الزامات پاروں مقدمہ درج کیتا گیا ۔بی بی سی دے نامہ نگار ریاض سہیل لکھیا ہے کہمذہبی جماعتاں دی اپیل تے جمعرات نوں ایس ماملے تے شہر وچ جلوس کڈھیا گیا تے بازار بند کروان بعد جلوس دے لوکاں تھانے نوں گھیر لتا۔احتجاجیاں مطالبہ کیتا کہ توہین مذہب دے ملزم نوں ساڈے حوالے کیتا جائے تاکہ اوہ ایس نوں آپ سزا دین۔ ایس پی ضیا مندوخیل دے مطابق پلس تے ایف سی دے حکام نے پہلاں تے احتجاجیاں نال گل بات کیتی تے کجھ لوکاں نوں لاک اپ وی وکھایا گیا تاکہ انہاں نوں یقین آجائے کہ ملزم تھانے وچ موجود نہیں بلکہ جیل وچ ہے ،پر لوک فیر وی منتشر نہیں ہوئے۔ پلس نے احتجاجیاں نوں منتشر کرن لئی آنسو گیس سٹی کیونجے اوہ ٹلن نوں تیار نہ سن۔احتجاجیاں تھانے تے حملہ کیتا تے ایس نوں اگ لان دی کوشش کیتی۔ پلس افسر دا آکھنا سی کہ ہجوم وچ شامل کجھ لوکاں کول اسلحہ وی سی جہناں دی فائرنگ نال اک 13 سالہ بچہ قدرت اللہ ماریاگیا ہے۔ لسبیلہ دے ڈپٹی کمشنر مجیب قمبرانی دا آکھنا سی کہاحتجاجی اینج دے مطالبے تے کردے نیں پر کسی نوں قنون ہتھ وچ لین دی اجازت تے نہیں دتی جاسکدی۔ جمعرات دے جلوس دی کال کس دتی سی،ایس بارے بی بی سی، دان تے دوجے میڈیا وچ کجھ نہیں چھاپیا گیا۔جداں بندہ پلس بدھ نوں ہی پھڑیچ لتا سی تے جلوس دی کیہڑی لوڑ سی۔ مقامی صحافیاں نے بی بی سی نوں دسیا کہبھوترے لوکاں ولوں ایہہ مطالبہ کیتا گیاکہ علاقے وچ ہندو برادری دا کاروبار وی بند کیتا جائے۔ چیتے رہے کہ ضلع لسبیلہ وچ ہندو برادری اک وڈی تعداد وچ آباد ہے تے ہندواں دا مقدس مقام ہنگلاج وی ایتھے ہی واقع ہے جتھے ہر سال منعقد ہون والے میلے وچ رلت لئی ہزاراں عقیدت مند آندے نیں۔20احتجاجیاں نون پلس پھڑیچیا ہے تے باقیاں دی تلاش جاری جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels