Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مئی4 :اگ بجھان والے ہیروز دا عالمی دن ,،پاکستان وی منایا پر پرنالہ اوتھے ہی

مئی4 :اگ بجھان والے ہیروز دا عالمی دن ,،پاکستان وی منایا پر پرنالہ اوتھے ہی

وچار ڈیسک
May 5th, 2017

کل پاکستان سنے دنیا بھر وچ اگ بجھان والے ہیروز دا عالمی دن منایا گیا۔ ایہہ دن دنیا بھر وچ انہاں فائر فائیٹراں نوں یاد کرن لئی منایا جاندا ہے جو اپنی عوام دی جان و مال دی حفاظتاں کردے ہوئے اپنی جان دی قربانیاں دیندے نیں۔ آسڑیلیا وچ 1999وچ جداں پنج فایئیر فائیٹر پورے ہو گئے سن تے دنیا ایہہ دن منان دا فیصلہ اقوام متحدہ وچ کیتا۔کراچی دے اک فائر فائیٹر نے نجی ٹی وی نال گل کردے ہوئے دسیا کہ اوہ اپنی جان دی پرواہ کیتے بغیر 24 گھنٹیاں تک اپنی ڈیوٹی ادا کردے نیں۔ فائر فائیٹرز دے انٹرنیشنل ڈے تے وی اوہ کم کردے رہے۔ انہاں نے مزید آکھیا کہ پانی دی کمیپاروں اکثر اوکڑاں ہوندیاں نیں۔ حکومت نوں فائر فائیٹرز نوں بہتر آلے دینے لڑی دا ہے۔ دنیا بھر وچ فائر فائیٹرز دی ٹیم وچ مرداں دے نال نال زنانیاں وی کم کردیاں نظر آندیاں نیں۔ ایمرجنسی وچ اساں فوری طور تے لوکاں دے گھراں وچ وی وڑ جاندے ہاں۔ جے زنانیاں ساڈے نال ہون تے ایہہ زیادہ چنگا ہوئے۔پاکستان ایس حوالے نال دوجے ملکاں توں کافی پچھے ہے۔ دنیا بھر دے فائر فائیٹرز دا ٹیچا لوکاں نوں اگ توں بچانا ہے۔ فائر فائیٹرز ہر قسم دی ہنگامی صورتحال وچ اپنی جان دی پرواہ نہ کردے ہوئے شہریاں دی جان و مال نوں محفوظ بناندے نیں تے عوام دا وی ایہہ فرض ہونا چاہیدا ہے کہ اوہ وی ہنگامی صورتحال نال نبڑن کئی فائر فائیٹرز نال تعاون کرن۔ویسے پاکستان وچ اجہی کماں لئی نیشنل ڈیزاسٹر مینیجمنٹ اتھارٹی بنائی گئی سی پر فائیر فائیٹرز دے محکمے سنے جنہاں اداریاں نوں اوس وچ ضم کرنا سی اتے اآفتاں دے حوالے نال جو کم کرنا سی اوہ کھو کھاتے پئے چکیا ہے۔این ڈی ایم اے دا ضلعیاں تیک بندوبست کاغذاں وچ بڑا چنگا ہے کہ پارلیمنٹ تے سیاسی جماعتاں نوں ایس بارے مڑ جھات پانی چاہیدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels