Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ’’ لمز ‘‘ وچ پنجابی صوفی شاعری بارے سیریز :خواجہ غلام فرید لیکچر

’’ لمز ‘‘ وچ پنجابی صوفی شاعری بارے سیریز :خواجہ غلام فرید لیکچر

وچار ڈیسک
May 5th, 2017

میاں محمد بخش ہوراں بارے لیکچر پروفیسر معین نظامی ہوراں دتا۔

گرمانی مرکزِ زبان و ادب لاہور، یونیورسٹی آف مینجمنٹ سائنسیز( لمز) دے پر بندھ نال پنجابی صوفی شاعراں بارے شروع کیتی گئی لیکچر سیریز دا آخری پروگرام اج خواجہ غلام فریدؒ ہوراں بارے ہووے گا۔ خواجہ غلام فریدؒ ، ہوراں دی شخصیت، شاعری، فن تے فکر بارے پنجابی ادبی بورڈ دے پردھان مشتاق صوفی ہوریں گل بات کرن گے۔ 28اپریل نوں میاں محمد بخش ہوراں بارے ہون والے پروگرام وچ گل بات پروفیسر معین نظامی ہوراں کیتی سی۔ معین نظامی ہوریں گُرمانی مرکزِ زبان و ادب وچ ڈائریکٹر نیں تے آپ وی کھوجکار، سوجھوان تے شاعر نیں۔ ایہہ پروگرام بڑا بھرواں رہیا تے رلتی لوکاں نے بہت دلچسپی نال نہ صرف گل بات سُنی سگوں اپنے سوالاں راہیں میاں محمد بخش ہوراں دی شاعری تے فکر نال اپنی جڑت دا اظہار وی کیتا۔
معین نظامی ہوراں اپنے لیکچر نوں پنج حصّیاں وچ ونڈیا۔ اوہناں اپنے لیکچر وچ میان محمد بخش ہوراں دے خاندانی پسِ منظر، تعلیم و تربیت، سجادگی ، کتاباں تے مثنوی’’سفر العشق‘‘ جو کہ سیف الملوک دے ناویں نال مشہور ہے،تے جیہڑی میاں محمد بخش ہوراں 1862ء وچ تینتی ورھیاں دی عمر وچ لکھی، جیہڑی میاں محمد بخش ہوراں دیاں لکھتاں وچوں ای نہیں سگوں، پنجابی شعری ریت وچ وی وڈی لکھت منی جان59دی ہے۔ جیہنوں پڑھن والے پڑھ کے لطف لین والے لکھّاں دی گنتری وچ موجود نیں۔ معین نظامی ہوراں ایس مثنوی بارے گل بات کردیاں ہویاں آکھیا جو ایہہ اک ایسی عاشقانہ کہانی ہے جیہدے وچ بہت وڈے اخلاقی تے عرفانی نکتے ملدے نیں۔ ایہنوں اک قصّے کہانی توں ودھ صوفیانہ متن وجہوں ویکھیاجان59دا ہے جیہدے بہوں سارے مصرعے ضرب المثل بن کے ساڈے حافظے دا جزو بن چُکے نیں۔ پنجاب دی گھٹ ودھ ہر طرح دی سماجی تے ثقافتی تقریب وچ ایس مثنوی دے شعر پڑھے جان59دے نیں۔ ایہنوں وکھ وکھ طراں گایا جان58دا ہے۔ ایہہ عاشقانہ داستان مڈھلے طور تے عربی داستانوی ادب دے کلاسیکی شاہکار الف لیلہ ولیلہ دیاں کہانیاں وچوں ہک کہانی ہے جو اپنی مثال آپ ہے۔ مجموعی طورتے ایہہ اِک ودھیا پروگرام سی۔
3 فروری 2017 توں شروع ہون والی لیکچر سیریز دا اج آخری پروگرام ہووے گا۔ ایس سلسلے دے پہلے پروگراماں وچ بابافریدؒ ، شاہ حسین، سلطان باھو، بُلھے شاہ، وارث شاہ، تے گائیکی دے پروگرام ہو چکے نیں۔ پہلے تعارفی پروگرام وچ مشتاق صوفی تے معین نظامی ہوراں گل بات کیتی تے صوفیانہ شاعری دی اہمیت تے گل بات ہوئی۔ مگروں مقصود ثاقب، نبیلہ رحمن، احمد سعید ہمدانی، سعید بھُٹہ ہوراں ایہدے وچ حصّہ لیا۔ جدوں کہ سارہ کاظمی ہُما صفدر تے شفقت حسین ہوراں صوفیانہ گائیکی دا پروگرام پیش کیتا۔ ’’ لمز‘‘ وچ صوفی پنجابی شاعری بارے ایہہ پہلا پروگرام سی، جو گھٹ ودھ دس ہفتے چلیا تے طلبا دی وڈی تعداد نے ایہدے وچ رلت کیتی۔
Further news regarding same series
http://www.wichaar.com/news/124/ARTICLE/32860/2017-04-28.html

http://www.wichaar.com/news/124/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels