Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پیمرا نے بول دی بولتی بند کر دتی۔آزادی صحافت، قنونی گھاٹے یا غیر ذمہ وار صحافتاں؟

پیمرا نے بول دی بولتی بند کر دتی۔آزادی صحافت، قنونی گھاٹے یا غیر ذمہ وار صحافتاں؟

وچار ڈیسک
May 4th, 2017

ایہہ چینل قنونی تے تکنیکی بنیاداں تے بند ہوئے نیں پر ایس بندش بارے سیاسی بحثاں ہو رہیاں نیں۔بول والیاں کول عدالت جان دا رستہ ہے۔کیہہ ایہہ آزادی صحافت تے حملہ ہے؟ کیہہ پمرا کول کسی وی چینل نوں بند کرن دا اختیا نہیں ہے؟ یا تے صحافی جتھے بندیاں ایہہ قنون بنوان کہ سرکار عدالتی حکم توں بغیر کسے وی چینل نوں بند نہ کر سکن۔کجھ دھڑیا ں دا آکھنا ہے کہ کیونجے بول حکومت دے خلاف سی تاں مارے ایس خلاف ایہہ سب کجھ ہو رہیا ہے۔ حلانکہ چینلاں وچ حکومت خلاف بہوں کجھ ہو رہیا ہے اتے کجھ چینل پورے دے پورے حکومت خلاف نیں۔ہن ڈان دے حق وچ تے کل پریس فریڈم ڈے تے ہر کسی نی گل کیتی فیر بول دے مسئلہ تے کیوں سب خموش نیں۔ایہہ سب وادھو سوال نیں کہ نرا سیاسی رنگ دین نال مسئلہ حل نہیں ہو سکدا۔کیہہ اک وار سیکورٹی کلیرنس دے کے واپس نہیں لتی جاسکدی؟
پاکستان الیکٹرانک میڈیا اینڈ ریگولیٹری اتھارٹی نے وزارت داخلہ دی ولوں ڈائریکٹرز دی سیکورٹی کلئیرنس مسترد کیتے جان دے بعد بول نیوز تے بول انٹرٹینمنٹ (پاک نیوز) دے سیٹلائٹ ٹی وی لائسنسز فوری طور تے منسوخ کردتے سن۔ پیمرا ولوں جاری ہون والی پریس ریلیز پاروں وزارت داخلہ دی ولوں میسرز لبیک پرائیویٹ لمٹیڈ دے ڈائریکٹر شعیب، عائشہ شعیب شیخ، وقاص عتیق تے ثروت بشیردی سیکورٹی کلئیرنس مسترد کیتے جان دے بعد اتھارٹی نے کمپنی دے سیٹلائٹ ٹہ وی لائسنسز منسوخ کیتے۔ اتھارٹی ارکان نے پیمرا شکایات کونسل سندھ دی سفارشاں دی روشنی وچ ایس فیصلے دی منظوری دتی۔ پیمرا نے بول انٹرٹیمنمنٹ (پاک نیوز) نوں اپنے اصل لائسنسز نال ساریاں بقایا جات وی جمع کروان دا حکم دتا۔ دوجی جانب فیصلے دی کاپی وی پاک سیٹ نوں ارسال کردتی گئی تاکہ بول نیوز تے بول انٹرٹینمنٹ (پاک نیوز) دی نشریات فوری طور تے روک دتی جائے۔ ادھر اک علیحدہ حکم نامے وچ سارے ڈسٹری بیوشن نیٹ ورکس تے کیبل آپریٹرز نوں پیمرا اتھارٹی دے فیصلے دی روشنی وچ بول نیوز تے بول انٹرٹینمنٹ دی نشریات فوری طور تے بند کرن دی وی ہدایت جاری کیتی گئی ہے اتے ہن رات توں چینل بند نیں۔ ایہہ ویآکھیا گیا کہ کسی وی آرگنائزیشن ولوں پیمرا حکم دی خلاف ورزی تے پیمرا قنوناں دے تحت کاروائی کیتی جائے گی۔ اجلاس دی سربراہی چیئرمین پیمرا ابصار عالم نے کیتی جد کہ اجلاس وچ رکن سندھ سرفراز خان جتوئی، رکن خیبر پی کے شاہین حبیب اللہ، رکن پنجاب نرگس ناصر، وفاقی سیکرٹری اطلاعات و نشریات سردار احمد نواز سکھیرا تے چیئرمین پی ٹی اے ڈاکٹر سید اسماعیل شام وی رلتی سن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels