Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستان میڈیا ورکرز دی حالتاں ماڑیاں،میڈیا نہاتا، دھوتا نہیں

پاکستان میڈیا ورکرز دی حالتاں ماڑیاں،میڈیا نہاتا، دھوتا نہیں

وچار ڈیسک
May 3rd, 2017

پاکستان دے میڈیا ورکر بھیڑی حالتاں دا شکار نیں ا تے انہاں دا کوئی پرسان حال نہیں ہے۔ نیوز لائن وہب سائٹ پاروں اک رپورٹ وچ انکشاف ہویا ہے کہ پاکستان دے سارے ٹی وی چینلاں، سٹیشناں تے اخباراں وچ ورکر دا استحصال ہورہیا ہے۔ میڈیا مالکان ورکر نوں کوئی حق دین لئی تیار ہے تے نہ حکومت ہی میڈیا ورکراں دی حالتاں بہتر بنان دی ول کوئی توجہ دتی جا رہی ہے۔ میڈیا ورکرز دی تنظیماں وی اپنا کردار بہتر انداز وچ نبھان وچ ناکام نیں تے ورکرز دے حقاں نوں یقینی نہیں بنایا جارہیا ہے۔ رپورٹ دے مطابق پی ایف یو جے سمیت میڈیا ورکر دی کوئی وی تنظیم اپنی ذمہ واری بہتر انداز وچ نہیں نبھا پائی تے صحافتی لیڈرز اپنی لیڈر شپ دی دکانداری چمکان تے ذاتی مفاداں نوں چکن وچ لگے ہوئے نیں۔ میڈیا مالکان کسی قنون ضابطے دے پابند نہیں نیں تے میڈیا دے اداریاں وچ کسی قنون دا اطلاق نہیں ہوندا۔ میڈیا ورکر ایس ملک دا سب توں زیادہ استحصال زدہ طبقہ ہے تے بانڈڈ لیبر تے فورسڈلیبر دی بھیڑی شکل وی میڈیا وچ ہی پائی جاندی ہے۔
نیوز لین والیاں دی ایہہ رپورٹ میڈیا دے اک ہور پکھ ول اشارے کر رہی ہے جس بارے اج گل کرن دی لوڑ ہے۔جداں کسے میڈیا ہاؤس وچ کوئی بھیڑا کم ہوندا ہے تے اوس بارے تے خبراں وی نہیں لگ سکدیاں تاں فیر ماڑے صحافی کس ماں نوں ماسی آکھن۔میڈیا وچ رقماں پھڑ کے خبراں لوان تے روکن دا کم وی چلدا ہے۔ ایس سب بارے گھٹ و گھٹ اج عالمی پریس فریڈم ڈے تے گل ہونی چاہیدی ہے۔جنج مولوی آندا کجھ ہے تے کردا کجھ ہے کہ ایہہ سب میڈیا وچ وی ہے۔ایسی ایسی مثالاں میڈیا تے نیں کہ صبح، شامی لیکچر دین والا اک اینکر ، مردے پیو توں زبردستی انگوٹھے لواندا پھڑیا گیا۔اج اپنے اندر جھات پان دا دن جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels