Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پی ایف یو جے آزادی صحافت دا دن منائے گی۔ایس سال ایہہ دن ’’ڈان‘‘ دے ناں۔۔3مئی

پی ایف یو جے آزادی صحافت دا دن منائے گی۔ایس سال ایہہ دن ’’ڈان‘‘ دے ناں۔۔3مئی

وچار ڈیسک
May 3rd, 2017

صحافیاں لئی ڈان لیکس دا ہور مطلب ہے کہ اوہ ہاتھیاں دی لڑائی وچ ڈڈو بنن توں انکاری۔پر جے صحافت چوتھا ستون ہے تاں ستون اکثر ٹکراندے رہندے نیں۔امریکہ توں پاکستان تیک ایہہ اتھل پتھل راج نیتی دا وڈا پکھ ہے۔جے میڈیا مالکان نوں وی ہاتھیاں وچ شمار کر لو تاں صحافت ڈڈو ہی ہے پر صحافی ڈڈو نہیں وی ہو سکدا۔ہاں، کجھ موٹے تے تگڑے صحافیاں وچ ڈڈو بنن دے چانس وادھو۔اینکر صحافی ہیگے نیں یا نہیں ایس بارے تے پریس کلب والے ہی کجھ دس پا سکدے نیں۔ دنیا بھر دی طراں پاکستان وچ وی 3 مئی نوں آزادی صحافت دا عالمی دیہاڑ منایا جائے گا۔ پاکستان فیڈرل یونین آف جرنلسٹس (پی ایف یو جے) نے ایس سال آزادی صحافت دے دن نوں ’’روزنامہ ڈان‘‘ دے ناویں کرن دا فیصلہ کیتا ہے۔ڈان لیکس دا ایہہ اکلا ودھیا پکھ ہے۔ ایس موقعہ تے ملک بھر وچ ڈان دے دفتراں باہر ریلیاں کردے ہوئے صحافیاں نال جڑت دسی جائے گی۔ پی ایف یو جے نے تمام صحافتی تنظیماں نال اپیل کیتی ہے کہ اوہ وی آزادی صحافت دے عالمی دیہاڑ تے ریلیاں کڈہن۔سرکار، سرکاری ادرے، مالکان میڈیا تے اشتہاری کمپنیاں وچ پھسے صحافیاں بارے کجھ زیادہ غور کرن دی لوڑ ہے کہ صحافی جتھے بندیاں دا کردار ایس وچ وڈا ، پرجے اوہ آپسی پھڈیاں توں اگے ودھ سکن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels