Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> بھارت توں پاکستان تیک ڈان لیکس نوں کون کون ورت رہیا ہے؟پرویز الہی وی کد پیا؟

بھارت توں پاکستان تیک ڈان لیکس نوں کون کون ورت رہیا ہے؟پرویز الہی وی کد پیا؟

وچار ڈیسک
May 2nd, 2017

اج پرویز مشرف دے پچھلگ سابق وزیر اعلی پنجاب پرویز الہی وی ’’ڈان لیکس ورتو پراجیکٹ‘‘ وچ حاضریاں لائیاں اتے ایہہ آکھیا کہ وزیراعظم پاکستان فوج نوں بدنام کررہے نیں۔ زور بیان وچ اوہ ایہہ وی آکھ دتا کہ نوز شریف ہمش وانگ فوج نوں بدنام کرن دا کوئی موقعہ جان نہیں دیندے۔ اوہ ایہہ گل بھل گئے کہ1999تیک اوہ پورے19سال ایسے نواز شریف نال سن۔جے اج کل فوج تے حکومت اختلافاں دی خبراں نوں اکٹھا کرو تاں لگ پتہ جاندا ہے کہ بھارت توں پاکستان تیک کون کون ایس ’’پاڑ‘‘ تے اپنی گڈی اڈانا چاہندا ہے۔جے ڈان لیکس’’پاکستان دے قومی مفاد‘‘ تے حملہ سی تے ڈان لیکس تے کیتی جان والی سیاست اوس دا وڈا اشتہار کہ دنیا نوں دسیا جا رہیا ہے ایہہ ساڈا بوتھا جے۔خبر تے اک ہی ہوندی ہے پر اوہ پاکستان وچ ہور طراں پڑھی جاندی ہے تے باہرلی دنیا وچ اوہ ہور تاثر دیندی ہے۔داخلہ وزیر دے کل دے بیان نوں وی ایسے وچ پرو لتا گیا ہے۔جیہڑے بندے نثار نوں سویرے شامی ’’فوج دا بندہ‘‘ آکھدے سن اوہی اوس نوں فوج نال مذاحمت دی علامت بنا رہے نیں۔ہر کوئی اپنی اپنی مار تے ہے کہ دلی والیاں نوں موقعہ اجہے لوکاں دتا ہے جو چینلاں دے بیٹھ کے فوج دی آڑاں وچ اپنا رانجھا راضی کرن وچ لگے نیں۔کنج ہیرو، ولن تے ولن ہیرو بن دے نیں ایہہ اج کل سب دے سامنے پر اخیری رزلٹ وچ’’اپنا تماشہ‘‘ وادھو۔ایس گند وچوں جے کجھ نکل وی آیا تے اوہ ہور گند ہی ہو سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels