Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پارلیمانی وفد کابل وچ:خطہ دے امن لئی کوششاں تے پاک افغان امن

پارلیمانی وفد کابل وچ:خطہ دے امن لئی کوششاں تے پاک افغان امن

May 1st, 2017

جے پاکستان، افغانستان تے ایران دی ریاستاں اک دوجے نال لڑن گیاں ،انہاں وچ بد اعتمادیاں وادھو ہون گیاں تے ات گرداں نوں وڈی تھاں ملے گی۔تنوں ملکاں نوں اپنی اپنی منجھی ہیٹھ وی ڈانگاں پھیرنیاں نیں تے اک دوجے نال رل مل چلنا ہے کہ ایہہ دو ترے سال تناں لئی بہوں اہم جے۔پاکستان دی سویلین سرکار پہلی وار اک وڈا پارلیمانی وفد ایران تے افغانستان گھلیا ہے اتے ایس وچ اپوزیشن تے حکومت دے ممبر رلتی نیں۔افغانستان تے ایران توں اجہے وفد پاکستان آون گے۔ایہہ تناں ملکاں وچ نویں رستے لبھن دا آہر ہے۔ اج تناں ملکاں نوں اپنے اپنے اثاثیاں نوں نویں صورتحال بارے چیتا کروانا لوڑی دا ہے کہ تناں ملکاں وچ اک دوجے دے اثاثے وادھو نیں۔ات گردی تے انتہاپسندیاں خلاف اتے سوسائٹی دی رنگا رنگیاں دی پروموشن وچ پالیسیاں اسرن نال ہی اگے دے رتے دی اوکڑاں گھٹن گیاں۔ایہہ1976نہیں سگوں نویں صدی دا دوجا دہاکہ جے اتے اج عالمی طاقتاں چین، روس تے امریکہ وچ وڈے گروہ پاکستان، ایران تے افغانستان وچ امن چاہندے نیں۔پارٹ آف ایشیا کانفرنس ہوئے یا ماسکو وچ ہون والے اکٹھ، ہر تھاں ایس خطے بارے گل ہو رہی ہے۔پر انہاں تناں ملکاں دے اندر پرانے بیانیے دے راکھے وادھو نیں اتے اوہ پرانی عینکاں نال نویں نوں ویکھدے نیں۔نرا تاراں، دروجے لاون یا دیواراں چکن نال مسئلہ حل نہیں ہو سکدا کہ چومکھی لڑائی نوں ہر محاذ تے لڑنا لوڑی دا ہے اتے پارلیمانی وفد دا سپیکر اسمبلی دی آگوائی وچ جانا اک وڈی پالیسی شفٹ ہے۔تنوں ملکاں وچ اجہے گروہ وادھو نیں جیہڑے خطہ دے وچ امن دے ویری نیں۔تاں مارے تنوں ملکاں وچ سیاسی تصفیے نال ایس کم نوں اگے ودھاناں لوڑی دا ہے۔پورا خطہ38ورہیاں توں بربادیاں دا شکار ہے اتے ایس وچ سب توں وڈا تقصان عام لوکاں تے ریاستاں دا ہویا ہے۔دوجے پاسے ات گرداں وچ اک تال میل وی ریکارڈ تے آچکیا ہے۔اگیے دا رستہ امن گل بات نال ہی نکلے گا۔پاکستانی وفد وچ میر حاصل بزنجو، نوید قمر، جنرل(ر)عبدالقادر بلوچ، راجہ ظفر الحق،شفقت محمود، غلام احمد بلور،آفتاب شیر پاؤ،محمود خان اچکزئی،اکرم خان درانی،صاحبزادہ طارق اللہ تے اویس احمد لغاری ، جی جی جمال سنے پندرہ پارلیمانی ممبر رلتی نیں۔وفد اشرف غنی سنے بہوں سارے افغان گروپاں نوں ملیا۔ایس توں پہلاں اک عسکری وفد وی کابل ہو آیا ہے اتے ہن ایس وڈے ، ہائی پاور وفد دے کابل تے تہران دے دورے بعدوں بہوں سارے امن مخالف دھڑیاں نوں ’’کن‘‘ ہو جانے چاہیدے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels